استانا. KAZINFORM - بەيجىڭ ءتىل جانە مادەنيەت ۋنيۆەرسيتەتىندە قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگىنىڭ قاتىسۋىمەن «استانا» حالىقارالىق ۋنيۆەرسيتەتىنىڭ جانىندا بەيجىڭ ءتىل جانە مادەنيەت ۋنيۆەرسيتەتىنىڭ فيليالىن اشۋ تۋرالى كەلىسىمگە قول قويۋ ءراسىمى ءوتتى، دەپ حابارلايدى BAQ. KZ.
بۇل تۋرالى سىرتقى ىستەر ۆەدومستۆوسى مالىمدەدى.
قىتاي ۋنيۆەرسيتەتىنىڭ فيليالى قازاقستان مەن قىتاي اراسىنداعى ماڭگىلىك جان-جاقتى ستراتەگيالىق ارىپتەستىكتى دامىتۋعا قاجەت قىتاي ءتىلى مەن مادەنيەتى سالاسىنداعى مامانداردى دايارلايتىن بولادى.
فيليال نەگىزىندە قىتاي ءتىلىن ۇيرەنەتىن ستۋدەنتتەردىڭ ءبىلىمىن تەستىلەۋ جانە باعالاۋ بويىنشا «HSK ورتالىعى» (قىتاي ءتىلىن ۇيرەنۋ جانە تەستىلەۋ ورتالىعى) جۇمىس ىستەيدى. سونىمەن قاتار، ستۋدەنتتەر قوس ديپلومدىق باعدارلاما بويىنشا وقۋعا مۇمكىندىك الادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан