ەلىمىزدە قانشا ادام اتى مەن تەگىن وزگەرتكەن؟ مينيسترلىك جاۋابى

استانا. KAZINFORM - ەلىمىزدە سوڭعى جىلدارى اتى مەن تەگىن وزگەرتكەندەر سانى جىلدان جىلعا كوبەيىپ كەلەدى.

Massaget.kz ءتىلشىسى وسى ورايدا ادىلەت مينيسترلىگىنە اتى مەن تەگىن، اكەسىنىڭ اتىن وزگەرتكەندەردىڭ ستاتيستيكاسىن سۇراپ، رەسمي ساۋال جولداعان ەدى.

سوڭعى 3 جىلدا قانشا ادام تەگىن اۋىستىرعان؟

«ا ح ا ج تىركەۋ پۋنكتى» اقپاراتتىق جۇيەسىنە سايكەس

2020-جىلى – 9280،

2021-جىلى – 12767،

2022-جىلى - 12207 اتىن، اكەسىنىڭ اتىن، تەگىن اۋىستىرۋ تۋرالى اكت جازبا تىركەلگەن.

«2024-جىلدان باستاپ احات بولىمدەرىمەن ت. ا. ءا اۋىستىرۋ بويىنشا جەكە ازاماتتىق حال اكتىسى تىركەلمەيتىندىكتەن، حالىقتىڭ اتى-ءجونىنىڭ وزگەرۋى تۋرالى ستاتيستيكانى ۇسىنۋ مۇمكىن ەمەس»، - دەلىنگەن رەسمي جاۋاپتا.

تەگىن وزگەرتكەنى تۋرالى قۇجات بەرىلە مە؟

ادىلەت مينيسترلىگىنىڭ مالىمەتىنشە، 2022-جىلعى 14-شىلدەدەگى زاڭىمەن مەملەكەتتىك تىركەۋ ءتۇرى الىنىپ تاستالعان. ياعني، قازىر ازاماتتاردىڭ تەگىن وزگەرتۋ تۋرالى قۇجات بەرىلمەيدى. سونداي-اق، ا ح ا ت بولىمدەرىمەن تەگىن، اتىن، اكەسىنىڭ اتىن اۋىستىرۋ بويىنشا جەكە ازاماتتىق حال اكتىسى تىركەلمەيدى.

«2022-جىلعى 14-شىلدەدەگى زاڭىمەن («قازاقستان رەسپۋبليكاسىنىڭ كەيبىر زاڭنامالىق اكتىلەرىنە يننوۆاتسيالاردى ىنتالاندىرۋ، سيفرلاندىرۋدى، اقپاراتتىق قاۋىپسىزدىك پەن ءبىلىم بەرۋدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ) مەملەكەتتىك تىركەۋ ءتۇرى الىنىپ تاستالدى، قانداي دەرەكتەر وزگەرەتىنىنە بايلانىستى تۋۋ تۋرالى كۋالىكتە، نەكەنى قيۋ، نەكەنى بۇزۋ تۋرالى كۋالىكتە وزگەرىستەر كورسەتىلەدى (وسىعان سايكەس، ازاماتتاردىڭ ت. ا. ءا وزگەرۋى تۋرالى قۇجات الىنىپ تاستالدى)»، - دەلىنگەن حابارلامادا.