ەلىمىزدە ەكىنشى دۇنيەجۇزىلىك سوعىستىڭ 105 ارداگەرى قالعان

استانا. KAZINFORM - ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى ولجاس انافين ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ەلدە ەكىنشى دۇنيەجۇزىلىك سوعىستىڭ نەشە ارداگەرى قالعانىن ايتتى.

- 5 -مامىرداعى جاعداي بويىنشا قازاقستاندا ەكىنشى دۇنيەجۇزىلىك سوعىستىڭ 105 ارداگەرى جانە جەڭىسكە ۇلەس قوسقان باسقا ساناتتاعى 40707 ازامات تۇرادى، - دەدى ول.

ايتۋىنشا، جەرگىلىكتى اكىمدىكتەر جەرگىلىكتى بيۋدجەت پەن دەمەۋشىلەر ەسەبىنەن ارداگەرلەرگە جان-جاقتى كومەك كورسەتكەن. ولار:

- كوممۋنالدىق قىزمەتتەرگە اقىنى وتەۋگە (2,6 ميلليارد تەڭگە)؛
- تۇرعىن ءۇيدى جوندەۋگە كومەك (21,5 ميلليون تەڭگە)؛
- وتىن ساتىپ الۋعا (14,5 ميلليون تەڭگە)؛
- قوعامدىق كولىكتە جول ءجۇرۋ جەڭىلدىكتەرى (4,1 ميلليارد تەڭگە)؛
- ءدارى-دارمەكپەن قامتاماسىز ەتۋ بويىنشا (48,5 ميلليون تەڭگە)؛
- ءتىس پروتەزدەۋگە (441,9 ميلليون تەڭگە)؛
- ازىق-تۇلىك توپتاماسىنا (103,9 ميلليون تەڭگە).

ەسكە سالساق، استانا اكىمدىگىنىڭ قىزمەتكەرلەرى كەشەگى اسكەري شەرۋگە كىرە الماعان تىل ارداگەرىنەن كەشىرىم سۇراعان بولاتىن.

اۆتور

ەسىمجان ناقتىباي