ەلىمىزدە كولىك باعاسى تاعى ارزاندادى

2023 -جىلدىڭ قاراشا ايىنىڭ قورىتىندىسى بويىنشا، اۆتوكولىكتىڭ ورتاشا باعاسى 2,3 پايىزعا تومەندەدى، دەپ حابارلادى baq.kz.

قازاقستان اۆتوكولىك وداعىنىڭ دەرەگىنە سۇيەنسەك، جىل باسىنان بەرى قازاقستاندىق ديلەرلەر 175255 كولىك ساتقان.

قاراشانىڭ سوڭىندا قازاقستاندا اۆتوكولىكتىڭ ورتاشا باعاسى 14 ميلليون 810 مىڭ تەڭگەگە دەيىن تومەندەگەن. بۇل جاعداي ەلدەگى اۆتوكولىك ساۋداسىنىڭ ارتۋىنا وڭ اسەر ەتپەك.

قاراشادا قازاقستاندا 17538 جەڭىل، سونداي-اق 1429 جۇك كولىگى مەن اۆتوبۋس ساتىلدى. بۇل 2022 -جىلعى قاراشامەن سالىستىرعاندا T,1 عا ارتىق.

2023 -جىلعى قاراشاداعى جاعداي بويىنشا، قازاقستاندا ەڭ كوپ ساتىلعان اۆتوموبيل برەندتەرى Chevrolet (4 243 اۆتوموبيل، جىلىنا 5,7+)، Hyundai

(3605،  16,9%+)، Kia (2101, +22,3%) ،Toyota (1252, +79,4%) جانە Chery (1218 ،+58,8%) بولدى.

قاراشاداعى ەڭ تانىمال مودەلدەر Chevrolet Cobalt ،Hyundai Tucson ،Chevrolet Onix ،Hyundai Santa Fe جانە Chery Tiggo 2 بولدى. 2023 -جىلدىڭ 11 ايىنىڭ قورىتىندىسى بويىنشا، ساتۋ رەكوردى Hyundai برەندىنە تيەسىلى (42038 اۆتوموبيل)، ەكىنشى ورىندا - Chevrolet (40011)، ءۇشىنشى ورىندا - Kia (23070).