ەلىمىزدە كوللەدجگە قابىلداۋ ەرەجەلەرى جاڭارتىلدى

استانا. KAZINFORM - وقۋ-اعارتۋ مينيسترلىگى كوللەدجدەرگە قابىلداۋدىڭ ۇلگىلىك ەرەجەلەرىنە وزگەرىستەر ەنگىزدى.

ءتيىستى بۇيرىققا مينيستر 2025-جىلعى 3_شىلدەدە قول قويدى. جاڭارتۋلار تەحنيكالىق، كاسىپتىك جانە ورتا بىلىمنەن كەيىنگى ءبىلىم بەرۋ باعدارلامالارىنا قابىلداۋعا قاتىستى.

تەحنيكالىق جانە كاسىپتىك ءبىلىم بەرۋ ۇيىمدارىنا قابىلدانادى:

- قازاقستان رەسپۋبليكاسىنىڭ ازاماتتارى؛

- شەتەل ازاماتتارى مەن ازاماتتىعى جوق ادامدار؛

- بوسقىندار؛

- باسپانا ىزدەۋشى تۇلعالار؛

- قانداستار، ەگەر ولاردا:

- باستاۋىش ءبىلىمى (بالەت ءارتىسى بىلىكتىلىگىن بەرەتىن «حورەوگرافيالىق ونەر» ماماندىعى ءۇشىن)؛

- نەگىزگى ورتا، جالپى ورتا، تەحنيكالىق جانە كاسىپتىك، ورتا بىلىمنەن كەيىنگى؛

- جوعارى (جوعارى كاسىبي) ءبىلىمى بولسا؛

- ەرەكشە ءبىلىم بەرۋ قاجەتتىلىكتەرى بار تۇلعالار ء(بىلىمى تۋرالى قۇجاتى بار).

ورتا بىلىمنەن كەيىنگى ءبىلىم بەرۋ ۇيىمدارىنا قابىلدانادى:

- قازاقستان رەسپۋبليكاسىنىڭ ازاماتتارى؛

- شەتەل ازاماتتارى مەن ازاماتتىعى جوق ادامدار؛

- بوسقىندار؛

- باسپانا ىزدەۋشى تۇلعالار؛

- قانداستار، ەگەر ولاردا:

- باستاۋىش ءبىلىمى (بالەت ءارتىسى بىلىكتىلىگىن بەرەتىن «حورەوگرافيالىق ونەر» ماماندىعى ءۇشىن) بولسا؛

- نەگىزگى ورتا، جالپى ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىمى بولسا؛

- جوعارى (جوعارى كاسىبي) ءبىلىمى بولسا؛

- ەرەكشە ءبىلىم بەرۋ قاجەتتىلىگى بار تۇلعالار (ءبىلىمى تۋرالى قۇجاتى بار).

مەملەكەتتىك ءبىلىم بەرۋ تاپسىرىسى بويىنشا ءبىلىم بەرۋ ۇيىمدارىنا (رەسپۋبليكالىق، وبلىستىق، رەسپۋبليكالىق ماڭىزى بار قالالار مەن استاناعا قاراستى وليمپيادالىق رەزەرۆتەگى مامانداندىرىلعان مەكتەپ- ينتەرنات- كوللەدجدەر مەن سپورتقا قابىلەتتى بالالارعا ارنالعان ينتەرنات-مەكتەپتەردى قوسپاعاندا) ارنايى مەملەكەتتىك، قۇقىق قورعاۋ ورگاندارىنىڭ، ازاماتتىق قورعاۋ ورگاندارىنىڭ، مەملەكەتتىك فەلدەگەرلىك قىزمەت قىزمەتكەرلەرىنىڭ، اسكەري قىزمەتشىلەردىڭ، سونداي-اق قىزمەتتىك مىندەتتەرىن ورىنداۋ كەزىندە جاراقات الىپ قايتىس بولعان (قازا تاپقان)، مۇگەدەكتىك العان مەديتسينا قىزمەتكەرلەرىنىڭ اسىراندى، وگەي نەمەسە بىرگە تۇراتىن بالالارى كونكۋرسسىز قابىلدانادى.

مەملەكەتتىك تاپسىرىس بويىنشا قابىلداۋ كەلەسى جاعدايلاردا جۇرگىزىلەدى:

- بىلىكتى جۇمىسشى كادرلاردى دايارلاۋعا باعىتتالعان باعدارلامالار بويىنشا؛

- ارنايى وقۋ باعدارلامالارى بويىنشا؛

- ءدىني (رۋحاني) ءبىلىم بەرۋ ۇيىمدارىنا؛

- قىلمىستىق- اتقارۋ جۇيەسى مەكەمەلەرىندە جازاسىن وتەۋشىلەرگە؛

- تەحنيكالىق جانە كاسىپتىك، ورتا بىلىمنەن كەيىنگى، جوعارى ءبىلىمى بار، ماماندىق بەيىنىنە سايكەس كەلەتىن ماماندىقتارعا تۇسۋشىلەرگە.

بۇل رەتتە قابىلداۋ ت ج ك پ و ۇيىمىنىڭ جوبالىق قۋاتىنا قاراي جۇزەگە اسىرىلادى.

قابىلداۋ مەرزىمدەرى:

جۇمىسشى مامانداردى دايارلاۋعا، ارنايى باعدارلامالار، ءدىني ۇيىمدار، قىلمىستىق-اتقارۋ جۇيەسى مەكەمەلەرىندەگى جازاسىن وتەۋشىلەرگە:

- 25-ماۋسىم – 27-تامىز (كۇندىزگى)؛

- 25-ماۋسىم – 20-قىركۇيەك (كەشكى وقۋ).

ورتا بۋىن ماماندارىن، قولدانبالى باكالاۆرلاردى دايارلاۋعا:

- مەملەكەتتىك تاپسىرىس بويىنشا (كۇندىزگى): 25-ماۋسىم – 22-تامىز؛

- اقىلى نەگىزدە: 25-ماۋسىم – 27-تامىز؛

- كەشكى/سىرتتاي وقۋ: 25-ماۋسىم – 20-قىركۇيەك؛

- شىعارماشىلىق دايىندىق تالاپ ەتىلەتىن ماماندىقتار بويىنشا: 25-ماۋسىم – 20-شىلدە؛

- پەداگوگيكالىق، مەديتسينالىق ماماندىقتار بويىنشا: 25-ماۋسىم – 10-تامىز.

ەمتيحاندار:

- پەداگوگيكالىق جانە مەديتسينالىق ماماندىقتارعا ارنايى نەمەسە شىعارماشىلىق ەمتيحاندار مەن پسيحومەتريكالىق تەستىلەۋ – 15-تامىزعا دەيىن؛

شىعارماشىلىق ماماندىقتارعا (نەگىزگى جانە جالپى ورتا ءبىلىمى بارلار) - 21-28-شىلدە ارالىعى.

كونكۋرس:

- وتىنىشتەردى قابىلداۋ (نەگىزگى، جالپى ورتا، تەحنيكالىق جانە كاسىپتىك، ورتا بىلىمنەن كەيىنگى بازادا): 22-تامىزعا دەيىن.

كونكۋرستى نوبد اقپاراتتىق جۇيەسى (ءبىلىم، مادەنيەت جانە سپورت سالاسىنا قاراستى ت ج ك پ و ۇيىمدارىن جانە قاج مەكەمەلەرىندەگى تۇلعالاردى قوسپاعاندا) اۆتوماتتى تۇردە جۇرگىزەدى.

شىعارماشىلىق، پەداگوگيكالىق، مەديتسينالىق ماماندىقتارعا قابىلداۋ كەزىندە ارنايى ەمتيحاندار ناتيجەسى دە ەسكەرىلەدى.

كونكۋرس مەرزىمى:

- مەملەكەتتىك تاپسىرىس بويىنشا (نەگىزگى جانە جالپى ورتا ءبىلىم بازاسىندا): 23-24-تامىز؛

- اقىلى نەگىزدە: 28-29-تامىز؛

- شىعارماشىلىق ماماندىقتار بويىنشا: 29-شىلدە – 2-تامىز؛

- پەداگوگيكالىق جانە مەديتسينالىق ماماندىقتار بويىنشا: 16-17-تامىز.

قايتا ءبولۋ:

- ەگەر ماماندىقتار بويىنشا توپتار (كەمىندە 15 ادام) جيناقتالماسا جانە بوس ورىندار قالسا، 28-تامىزعا دەيىن قايتا ءبولۋ جۇرگىزىلەدى.

ناتيجەلەر:

نوبد ارقىلى ءبىلىم باسقارمالارىنا اۆتوماتتى تۇردە جىبەرىلەدى.

ناتيجەلەر جاريالانۋ مەرزىمى:

- ت ج ك پ و بازاسىندا: 25-تامىز؛

- ونەر مەن مادەنيەت ماماندىقتارى بويىنشا: 3-تامىز؛

- پەداگوگيكالىق جانە مەديتسينالىق ماماندىقتار بويىنشا: 18-تامىز.

اقپارات ينتەرنەت- رەسۋرستاردا جانە 1414 ءبىرىڭعاي بايلانىس ورتالىعى ارقىلى SMS حابارلاما جىبەرىلەدى.

بۇيرىق 2025-جىلعى 21-شىلدەدە كۇشىنە ەنەدى.

ايتا كەتەيىك، ەلىمىزدە مەديتسينالىق كوللەدجدەرگە ءتۇسۋ ەرەجەسى دە وزگەردى.

ەسكە سالساق، كوللەدج ستۋدەنتتەرى الەمنىڭ 152 مەملەكەتىندە تانىلعان سەرتيفيكات الا الادى.