ەلىمىزدە بازارلار مەن دۇكەندەر قىزمەتى سيفرلاندىرىلادى
استانا. KAZINFORM - ۇكىمەت باسشىسى ولجاس بەكتەنوۆ ساۋدا سالاسىن سيفرلاندىرۋ بويىنشا ناقتى شارالاردى ازىرلەۋدى تاپسىردى.
- قازاقستانداعى بۇكىل ساۋدا قىزمەتىن، ونىڭ ىشىندە بازارلار مەن ءۇي ماڭىنداعى شاعىن دۇكەندەردىڭ قىزمەتىن سيفرلاندىرۋ بويىنشا ناقتى ۇسىنىستار مەن شارالار ازىرلەۋ كەرەك، - دەدى ولجاس بەكتەنوۆ ۇكىمەت وتىرىسىندا.
سونىمەن قاتار پرەمەر- مينيستر ساۋدا جانە ينتەگراتسيا مينيسترلىگىنە باسقا دا قۇزىرلى ورگاندارمەن بىرلەسىپ تۇتىنۋشىلاردىڭ قۇقىعىن قورعاۋ شارالارىن قاتاڭداتۋ كەرەكتىگىن باسا ايتتى.
- ادىلەت مينيسترلىگى جانە سيفرلىق دامۋ، يننفوۆاتسيالار جانە اەروعارىش ونەركاسىبى مينيسترلىگىمەن بىرلەسىپ، اقپان ايىنىڭ سوڭىنا دەيىن تۇتىنۋشىلاردىڭ ەلەكتروندىق ساۋداداعى قۇقىقتارىن قورعاۋ دەڭگەيىن ارتتىرۋ بويىنشا ناقتى شارالار ازىرلەۋى ءتيىس. بۇل جۇمىستى تاۋاردىڭ ساپاسىنا، زياتكەرلىك مەنشىكتى جانە ازاماتتاردىڭ دەربەس دەرەكتەرىن قورعاۋعا باسىمدىق بەرە وتىرىپ جۇرگىزۋ كەرەك، - دەيدى ول.