ەلىمىزدە باسپاناعا سۇرانىس كۇرت ارتتى

استانا. KAZINFORM - قازاقستاندا شىلدەدە وتكەن ايلارمەن سالىستىرعاندا باسپاناعا سۇرانىس كۇرت وسكەن. ماماندار جاز ۋاقىتىندا تۇرعىنداردىڭ ءۇي ماسەلەسىن رەتتەۋى زاڭدىلىق ەكەنىن العا تارتىپ وتىر.

ۇلتتىق ستاتيستيكا بيۋروسىنىڭ مالىمەتىنشە، 2024 -جىلعى شىلدەدە تىركەلگەن تۇرعىن ءۇيدى ساتىپ الۋ-ساتۋ مامىلەلەرىنىڭ سانى 40099-دى قۇراعان. ونىڭ 9126-سى جەكە تۇرعىن ۇيلەرگە، ال 30973- ءى كوپقاباتتى ۇيلەردەگى پاتەرلەرگە قاتىستى كەلىسىمشارتتار ەكەنىن اتاپ وتكەن ءجون.

2024 -جىلعى ماۋسىممەن سالىستىرعاندا تۇرعىن ءۇيدى ساتىپ الۋ-ساتۋ وپەراتسيالارىنىڭ سانى !,7- عا ءوستى. مامىلەلەر سانى بويىنشا الماتى (7091) جانە استانا (6843) قالالارى جانە قاراعاندى وبلىسى (3208) كوش باستاپ تۇر.

«باتىس قازاقستان وبلىسىن قوسپاعاندا (5 پايىزعا از) 2024 -جىلدىڭ شىلدەسىندە ەلىمىزدىڭ بارلىق وڭىرلەرىندە ترانزاكسيالاردىڭ ءوسۋى تىركەلدى. 2024 -جىلعى ماۋسىممەن سالىستىرعاندا كوپپاتەرلى ۇيلەردەگى تۇرعىن ءۇي وپەراتسيالارىنىڭ سانى % 24,5- عا (6088 ترانزاكسياعا) ارتتى»، - دەلىنگەن ۇلتتىق ستاتيستيكا بيۋروسى ۇسىنعان مالىمەتتە.

ەستەرىڭىزگە سالساق، بۇعان دەيىن بيىل ەلىمىزدە باسپانا باعاسى 10-15 پايىزعا قىمباتتاۋى مۇمكىن ەكەنىن جازعان ەدىك.

اۆتور

ورالحان قوجانوۆ