ەلىمىزدە بالىق ونىمدەرىنىڭ ەكسپورتى ءوستى مە

استانا. KAZINFORM - ەلىمىزدە جەرگىلىكتى ماڭىزى بار 3 مىڭعا جۋىق سۋ ايداندارىندا اكۆاشارۋاشىلىقتى دامىتۋعا بولادى. بۇل تۋرالى سەناتتىڭ جالپى وتىرىسىندا دەپۋتات ارمان وتەعۇلوۆ ءمالىم ەتتى.

- سوڭعى جىلدارى الەمدە بالىق شارۋاشىلىعى ازىق- تۇلىك قاۋىپسىزدىگىن قامتاماسىز ەتۋدىڭ جانە ايماقتاردىڭ ەكونوميكاسىن دامىتۋعا سەرپىن بەرەتىن ماڭىزدى باعىتتاردىڭ بىرىنە اينالىپ وتىر. ب ۇ ۇ ازىق- تۇلىك جانە اۋىل شارۋاشىلىعى ۇيىمىنىڭ (FAO) دەرەكتەرىنە سايكەس، الەمدە تۇتىنىلاتىن بالىق ونىمدەرىنىڭ 53 پايىزى اكۆاشارۋاشىلىق ەسەبىنەن قامتاماسىز ەتىلەدى. مەملەكەت باسشىسى قاسىم-جومارت كەمەل ۇلى توقايەۆ اتىراۋ وبلىسىنا جۇمىس ساپارى بارىسىندا بالىق سالاسىن دامىتۋدى، مەملەكەتتىك قولداۋ ماسەلەلەرىن قاراۋدى تاپسىردى. پرەزيدەنت تاپسىرمالارىن جۇزەگە اسىرىپ، سالانى دامىتۋ ءۇشىن ۇكىمەت بالىق شارۋاشىلىعىن دامىتۋدىڭ 2030 -جىلعا دەيىنگى باعدارلاماسىن قابىلدادى. اتالعان باعدارلاماعا سايكەس، بالىق ءوسىرۋ كولەمىن 2030 -جىلعا دەيىن جىلىنا 270 مىڭ تونناعا دەيىن ۇلعايتۋ، بالىق ونىمدەرىن ىشكى تۇتىنۋدى 134 مىڭ تونناعا ارتتىرۋ جانە بالىق رەسۋرستارىنىڭ تابيعي پوپۋلياتسياسىن %7 عا جەتكىزۋ جوسپارلانىپ وتىر، - دەدى ا. وتەعۇلوۆ.

ونىڭ ايتۋىنشا، بۇگىندە قازاقستاندا جان باسىنا شاققاندا بالىقتى تۇتىنۋ نورماسى جىلىنا 4 كەلىنى قۇراپ وتىر. ال كورشىلەس رەسەي مەن قىتاي ەلدەرىندە بۇل كورسەتكىش 20 كەلىدەن استى. ال دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس، ءبىر ادام ءبىر جىلدىڭ ىشىندە كەم دەگەندە 16 كەلى بالىق ءونىمىن تۇتىنعانى ءجون.

- جوعارىدا اتالعان باعدارلامادا جوسپارلانعان كورسەتكىشتەرگە قول جەتكىزۋگە جانە بالىق تۇتىنۋ نورماسىن ارتتىرۋعا بارلىق مۇمكىندىگىمىز بار. بىزدە حالىقارالىق جانە رەسپۋبليكالىق ماڭىزى بار 20، جەرگىلىكتى ماڭىزى بار 3 مىڭعا جۋىق سۋ ايدىندارىندا اكۆاشارۋاشىلىقتى دامىتۋعا بولادى. كاسپي تەڭىزىن ەسەپتەمەگەندە، سۋ ايدىندارىنىڭ جالپى اۋدانى شامامەن 5 ميلليون گەكتاردى قۇرايدى. وتكەن جىلى ەلىمىزدىڭ تابيعي سۋ ايدىندارىندا 45 مىڭ تونناعا جۋىق بالىق اۋلاندى. بالىق وسىرۋشىلەر 24 مىڭ توننادان استام بالىق ءوسىردى. بۇل 2023 -جىلمەن سالىستىرعاندا 28 پايىزعا كوپ. نورۆەگيا، قىتاي، ۆەتنام جانە چيلي اكۆاشارۋاشىلىق سالاسىندا كوش باستاپ تۇرعان ەلدەر. بۇدان باسقا كورشىلەس وزبەكستان مەن قىرعىزستان ەلدەرىندە دە بالىق شارۋاشىلىعى قارقىندى دامىپ كەلەدى. مىسالى، وزبەكستان رەسپۋبليكاسى 2023 -جىلى 740 مىڭ دوللارعا بالىق ەكسپورتتاعان. ال قازاقستان 2024 -جىلى 24 مىڭ توننا بالىق ونىمدەرىن ەكسپورتتادى. ونىڭ جالپى قۇنى بار- جوعى 75 مىڭ ا ق ش دوللارىن قۇراعان، - دەدى دەپۋتات.

بۇدان بۇرىن حاباردانعانداي، بۇگىن سەناتتىڭ جالپى وتىرىسىندا اكۆاشارۋاشىلىق تۋرالى» زاڭى قارالدى. سەنات قۇجاتتىڭ جەكەلەگەن باپتارىن جاڭا رەداكسيادا ۇسىنىپ، ونى ماجىلىسكە قايتاردى.