ەلىمىزدە بالالار مەن جاسوسپىرىمدەر تۋريزمىن دامىتۋدىڭ جول كارتاسى ازىرلەندى

استانا. قازاقپارات - 2029 -جىلعا دەيىن بالالار مەن جاسوسپىرىمدەر تۋريزمىن دامىتۋ جول كارتاسى 7 باعىت پەن 29 ءىس- شارادان تۇرادى. بۇل تۋرالى تۋريزم جانە سپورت ۆيتسە- ءمينيسترى ەرجان ەركىنبايەۆ ءمالىم ەتتى.

- بالالاردىڭ دەمالىسىن جانە بوس ۋاقىتىن ۇيىمداستىرۋ ماقساتىندا تۋريزم جانە سپورت مينيسترلىگى ءبىرقاتار ءىس-شارا كەشەنىن جۇزەگە اسىرادى. بالالار مەن جاسوسپىرىمدەر تۋريزمىن دامىتۋ، ولاردىڭ ساياحاتىنا قاتىستى جوبالاردى قولداۋ مەملەكەتتىك ساياساتتىڭ باسىمدىعى بولىپ سانالادى. جەرگىلىكتى اتقارۋشى ورگاندارمەن بىرلەسىپ 2029 -جىلعا دەيىن بالالار مەن جاسوسپىرىمدەر ءتۋريزمىن دامىتۋ جول كارتاسى ازىرلەندى. اتالعان قۇجات 7 باعىت پەن 29 ءىس- شارادان تۇرادى، - دەدى ەرجان ەركىنبايەۆ ۇكىمەت وتىرىسىندا.

ودان ءارى ۆيتسە-مينيستر بالالارعا ارنالعان Kids go Free باعدارلاماسى تۋرالى ايتتى.

- بۇل - بالالاردىڭ اۋە بيلەتتەرىن سۋبسيديالايتىن مەملەكەتتىك قولداۋ شاراسى. باعدارلاما ىسكە قوسىلعالى بەرى 5600 دەن استام بالا تەگىن اۋە ساياحاتىن پايدالاندى. مينيسترلىك كامەلەتكە تولماعان جولاۋشىلاردى الىپ جۇرۋگە قۇقىعى بار تۇلعالاردىڭ ءتىزىمىن كەڭەيتۋ بويىنشا جۇمىس جۇرگىزىپ جاتىر. بۇل تىزىمدەگى قاتىسۋشىلاردى ۇلعايتۋعا مۇمكىندىك بەرەدى. بيىل وسى باعدارلاما اياسىندا 3 مىڭ بالانى قامتۋ جوسپارلانىپ وتىر، - دەيدى ول.

مينيستر ورىنباسارىنىڭ ايتۋىنشا، ەلىمىزدە بالالار مەن جاسوسپىرىمدەر اراسىندا ىشكى تۋريزمدى ناسيحاتتاۋ جانە دامىتۋ جۇمىستارى بەلسەندى تۇردە ءجۇرىپ جاتىر. وعان جەرگىلىكتى اتقارۋشى ورگاندار مەن تۋربيزنەس سۋبەكتىلەرى تارتىلعان.

- مىسالى، استانا اكىمدىگى جىل سايىن ءار وڭىردەن جينالعان 1000 عا جۋىق بالانى قامتي وتىرىپ، «استانا - وتانىمنىڭ ەلورداسى» الەۋمەتتىك جوباسىن ىسكە اسىرىپ كەلەدى. تۋر باعدارلاماسىنا تۇرۋ، تاماقتانۋ، اۋقىمدى مادەني- ويىن- ساۋىق باعدارلاماسىن ۇيىمداستىرۋ كىرەدى. تۋريستىك قوعامداستىقپەن بىرلەسىپ جازعا ارنايى تۋريستىك مارشرۋتتار ازىرلەندى. ول مادەنيەت، تاريح جانە داستۇرمەن تانىسۋعا، سونداي-اق وقۋشىلار مەن ستۋدەنتتەردىڭ وي- ءورىسىن كەڭەيتۋگە باعىتتالعان، - دەپ تولىقتىردى ە. ەركىنبايەۆ.

بۇعان دەيىن پرەمەر- مينيستر ولجاس بەكتەنوۆ مەكتەپ ءبىتىرۋ كەشىندە بالالاردىڭ قاۋىپسىزدىگىنە ەرەكشە نازار اۋدارۋ قاجەتتىگىن ايتتى.

سونداي- اق ۇكىمەت باسشىسى بالالاردى سۋدا جانە ءورت كەزىندە قۇتقارۋ داعدىلارىنا ۇيرەتۋ قاجەتتىگىنە توقتالدى.

ايتا كەتسەك، بالالاردى سپورت جارىستارىنا پوليتسيانىڭ سۇيەمەلدەۋىنسىز جىبەرۋگە تىيىم سالىنادى.