استانا. قازاقپارات - كەلەر جىلى ەلىمىزدە بالاباقشاعا قابىلداۋ ءتارتىبى وزگەرۋى مۇمكىن. بۇل تۋرالى وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلدايەۆا «جاڭا ۋاقىتقا» بەرگەن سۇحباتىندا ايتتى، - دەپ حابارلايدى Massaget.kz.
قازىر اتا-انالار بالاباقشانى تۇرعىلىقتى مەكەنجايىنا بايلانىستى تاڭدايدى. ال وزگەرىستەن كەيىن بالاسىن وزدەرىنە ۇناعان كەز كەلگەنىنە اپارا الادى.
مەملەكەت مۇنى ۆاۋچەرلىك قارجىلاندىرۋ ارقىلى ىسكە اسىرماقشى. ياعني بالاعا قاراستىرىلاتىن قارجى قازىرگىدەي الدىن الا ەمەس، بالاباقشاعا تىركەۋ اياقتالعاننان كەيىن عانا بولىنەدى.
«باستاما بىرنەشە وڭىردە پيلوتتىق رەجيمىندە قولعا الىندى. بۇل ءبىرىنشى كەزەكتى جويۋ ءۇشىن جاسالىپ وتىر. ماسەلەن، تارازدا 1700 بالا كەزەكتە تۇرعان. ال ۆاۋچەرلىك قارجىلاندىرۋ ارقىلى بۇل كورسەتكىش 17 بالاعا دەيىن ازايدى»، - دەدى ناتاليا جۇمادىلدايەۆا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан