ەلىمىزدە ازىق-تۇلىكتىڭ قاي ءتۇرى قىمباتتادى؟

ۇلتتىق بانك ءتوراعاسىنىڭ ورىنباسارى دانيار ۆاگاپوۆ ەلىمىزدە قانداي ازىق-تۇلىك قىمباتتاعانىن ايتتى.

ول ازىق-تۇلىك ينفلياتسياسى جىلدىق ماندە 10,4 پايىزعا دەيىن باياۋلاعانىن مالىمدەدى. ۇلتتىق بانك ءتوراعاسىنىڭ سوزىنشە، ايلىق ءمان وتكەن ايداعى 0,3 پايىزدان 0,5 پايىزعا دەيىن ءوستى.

«ازىق-تۇلىك تاۋارلارى قۇرىلىمىندا قازاندا جۇمىرتقا، نان، جارما، قانت جانە تاتتىلەر، جاڭا پىسكەن جەمىستەر مەن ەت باعاسى ءوستى. ەسەسىنە، ىرىمشىكتىڭ، جاڭا پىسكەن كوكونىستەر مەن كۇنباعىس مايىنىڭ باعاسى تومەندەدى»، - دەدى ۇلتتىق بانك وكىلى.

ونىڭ ايتۋىنشا، قازاندا ازىق-تۇلىككە جاتپايتىن ينفلياتسيا جىلدىق ماندە 11,1 پايىزعا دەيىن باياۋلادى.

«ايلىق ماندە ءوسىم - 0,8 پايىز. قازان ايىندا اۋديوۆيزۋالدى جابدىقتار، وتىن، ءدارى-دارمەك پەن مەديتسينالىق جابدىقتار، كيىم-كەشەك پەن اياق كيىم باعاسى ءوستى»، - دەدى ۆاگاپوۆ.

ماسساگەت