استانا. KAZINFORM - ەلىمىزدە ءتۇرلى سالادا 4370715 ايەل جۇمىس ىستەيدى. بۇل جۇمىسپەن قامتىلعان حالىقتىڭ جالپى سانىنىڭ 48,3 پايىزى. 3,4 ميلليون ايەل جالدانىپ جۇمىس ىستەسە، 940 مىڭ ايەل ءوزىن-ءوزى جۇمىسپەن قامتىعان.
ۇلتتىق ستاتيستيكا بيۋروسىنىڭ مالىمەتىنشە، سالالار بولىنىسىندە ايەلدەردىڭ باسىم بولىگى ءبىلىم بەرۋ سالاسىندا جۇمىس ىستەيدى. بۇل بارلىق جۇمىسپەن قامتىلعان ايەلدىڭ 20 پايىزى.
كوتەرمە جانە بولشەك ساۋدادا - 19,6 پايىز، اۋىل شارۋاشىلىعىندا - 9,7 پايىز، دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسىندا 9,6 پايىز، ونەركاسىپتە جۇمىس ىستەيتىن ايەلدەردىڭ 7,8 پايىزى ەڭبەك ەتەدى.
ايەلدەردىڭ ەڭ از سانى اقپارات جانە بايلانىس سالاسىندا تىركەلىپ وتىر. ناقتىراق ايتقاندا، بۇل بارلىق جۇمىسپەن قامتىلعان قىز- كەلىنشەكتەردىڭ 1,6 پايىزى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.