ەلىمىزدە اپتا ىشىندە بولعان كادرلىق تاعايىنداۋلار

استانا. KAZINFORM - قازاقستاندا وتكەن اپتادا ءبىرقاتار كادرلىق اۋىس-ءتۇيىس بولدى.

19-مامىردا قاراعاندى وبلىسىنىڭ ەكونوميكا باسقارماسىنىڭ باسشىسى بولىپ دۋلات كارىم ۇلى اشكەنوۆ تاعايىندالدى.

دۋلات اشكەنوۆ - قاراعاندى وبلىسىنىڭ تۋماسى، ەكى جوعارى ءبىلىمى بار: قاراعاندى مەملەكەتتىك تەحنيكالىق ۋنيۆەرسيتەتىن «كولىك، كولىكتىك تەحنيكا جانە تەحنولوگيا» ماماندىعى بويىنشا جانە قازتۇتىنۋوداعى قاراعاندى ەكونوميكالىق ۋنيۆەرسيتەتىن «ەكونوميكا» ماماندىعى بويىنشا بىتىرگەن.

مەملەكەتتىك قىزمەتتە 14 جىلدان استام ۋاقىت ەڭبەك ەتىپ كەلەدى.

ءار جىلدارى قاراعاندى وبلىسىنىڭ جول-كولىك ينفراقۇرىلىمى مەن جولاۋشىلار كولىگىن دامىتۋ بويىنشا مەملەكەتتىك قۇرىلىمداردا جۇمىس ىستەدى.

ەلوردادا ەسىل اۋدانى اكىمىنىڭ اپپاراتىندا، قالالىق ورتانى قالپىنا كەلتىرۋ باسقارماسىندا جۇمىس ىستەدى، اكتيۆتەر جانە مەملەكەتتىك ساتىپ الۋ باسقارماسىندا باسشىلىق قىزمەتتەردە بولدى.

سودان كەيىن الماتى قالاسى كوممۋنالدىق ينفراقۇرىلىمدى دامىتۋ باسقارماسىندا جۇمىس ىستەدى - الدىمەن باسشىنىڭ ورىنباسارى، 2024 -جىلدىڭ مامىرىنان باستاپ قازىرگى تاعايىنداۋعا دەيىن سول مەملەكەتتىك مەكەمەنى باسقاردى.

اپتا باسىندا الماتى كوممۋنالدىق ينفراقۇرىلىمدى دامىتۋ باسقارماسىنىڭ باسشىسى لاۋازىمىنا شارحان تۇرسىنبايەۆ تاعايىندالدى.

شارحان شايمەردەن ۇلى تۇرسىنبايەۆ قازاق باس ساۋلەت- قۇرىلىس اكادەمياسىن جانە قازاقستان حالىقتار دوستىعى ۋنيۆەرسيتەتىن بىتىرگەن.

كاسىبي مانسابى 2010 -جىلى الماتى قالاسى مەملەكەتتىك ساۋلەت- قۇرىلىس باقىلاۋ باسقارماسىندا باس مامان بولىپ جۇمىسقا كىرىسكەن كەزدە باستالدى. كەيىنگى جىلدارى اۋەزوۆ جانە ناۋرىزباي اۋداندارى اكىمدەرىنىڭ اپپاراتتارىندا ءتۇرلى قىزمەتتەر اتقاردى.

2018 -جىلى الماتى قالاسى اكىمى اپپاراتىنىڭ ۇيىمداستىرۋ جانە باقىلاۋ جۇمىسى ءبولىمىنىڭ باس مامانى بولىپ جۇمىس ىستەدى.

2019 -جىلدان 2024 -جىلدىڭ مامىرىنا دەيىن الماتى قالاسى اۋەزوۆ اۋدانى اكىمىنىڭ ورىنباسارى، اپپارات باسشىسى بولىپ جۇمىس ىستەدى.

وسى تاعايىنداۋعا دەيىن الماتى قالاسى اكىمى اپپاراتى باسشىسىنىڭ ورىنباسارى بولدى.

20-مامىردا نۇرلان ۇرانحايەۆ پرەمەر-ءمينيستردىڭ كەڭەسشىسى بولىپ تاعايىندالدى.

نۇرلان ۇرانحايەۆ جاڭا لاۋازىمىندا ول ونەركاسىپ جانە قۇرىلىس ماسەلەلەرىنە جەتەكشىلىك ەتەتىن بولادى.

ءبىلىمى:

ۆ. ي. لەنين اتىنداعى قازاق پوليتەحنيكالىق ينستيتۋتى (1982-1987)

ماماندىعى: «ينجەنەر- مەحانيك»

قازاق قارجى- ەكونوميكالىق ينستيتۋتى (1998-2001)

ماماندىعى: «ەكونوميست- مەنەدجەر»

شىعىس قازاقستان مەملەكەتتىك تەحنيكالىق ۋنيۆەرسيتەتى (2004-2006)

ماماندىعى: «ينجەنەر- قۇرىلىسشى»

ەڭبەك جولى:

سەمەي قالاسىنىڭ «كازپرومتەحمونتاج» ترەسىندە شەبەر، پروراب (1987 ج)

سەمەي قالاسىنىڭ «سارى-ارقا» ا ق سەنىم بىلدىرىلگەن باسقارۋشىسى (1995-1997 ج ج)

«كازيركۋتسكلەس» ج ت ا ق باس ديرەكتورى (2001-2003 ج ج)

شىعىس قازاقستان وبلىسىنىڭ ەنەرگەتيكا، تۇرعىن ءۇي- كوممۋنالدىق شارۋاشىلىق، قۇرىلىس جانە كولىك باسقارماسىنىڭ باستىعى (2003-2005 ج ج)

شىعىس قازاقستان وبلىسى كۇردەلى قۇرىلىس باسقارماسىنىڭ باستىعى (2005-2006 ج ج)

شىعىس قازاقستان وبلىسى اكىمىنىڭ ورىنباسارى (2006-2007 ج ج)

استانا قالاسى، ت ج م مەملەكەتتىك ماتەريالدىق رەزەرۆتەر كوميتەتى ءتوراعاسىنىڭ ورىنباسارى (2007 ج)

پرەزيدەنت اكىمشىلىگىنىڭ مەملەكەتتىك ينسپەكتورى، استانا قالاسى (2008 ج)

«ەرتىس» ا ك ك باسقارما ءتوراعاسىنىڭ ورىنباسارى، سەمەي قالاسى (2009-2010 ج ج)

قىزىلوردا وبلىسى اكىمىنىڭ ورىنباسارى (2010-2013 ج ج)

سەمەي قالاسى گۋمانيتارلىق يننوۆاتسيالىق زاڭ ۋنيۆەرسيتەتى پرەزيدەنتىنىڭ كەڭەسشىسى (2013-2014 ج ج)

تۇتىنۋشىلاردىڭ قۇقىقتارىن قورعاۋ اگەنتتىگى ءتوراعاسىنىڭ ورىنباسارى، استانا قالاسى (2014 ج)

ۇلتتىق ەكونوميكا مينيسترلىگىنىڭ «قازقسعزي» اق باس ديرەكتورى، استانا قالاسى (2015-2017 ج ج)

الماتى قالاسى ساۋلەت جانە قالا قۇرىلىسى باسقارماسىنىڭ باسشىسى (2017-2018 ج ج)

استانا قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى (2019 - 2022ج ج)

اباي وبلىسىنىڭ اكىمى (2022 ج. ماۋسىم)

23-مامىردا جانىبەك سىزدىقوۆ « قىزىلوردا وبلىستىق گرەك-ريم، ەركىن جانە ايەلدەر كۇرەسى فەدەراتسياسى» قوعامدىق بىرلەستىگىنىڭ ءتوراعاسى بولىپ سايلاندى.

جانىبەك سىزدىقوۆ 1987 -جىلى دۇنيەگە كەلگەن. م. تىنىشبايەۆ اتىنداعى قازاق كولىك جانە كوممۋنيكاتسيالار اكادەمياسىن قۇرىلىس ماماندىعى بويىنشا بىتىرگەن. ەڭبەك جولىن 2008 -جىلى «قازاۆتوجول» كاسىپورنىنىڭ قىزىلوردا وبلىستىق فيليالىندا جول جۇمىسشىسى بولىپ باستاعان.

2009-2013 -جىلدارى جەكە جانە مەملەكەتتىك جول قۇرىلىسى مەكەمەلەرىندە ەڭبەك ەتكەن. 2013-2023 -جىلدارى «اۆتوموبيل جولدارى باسقارماسى» جشس ءبولىم باستىعى، ديرەكتوردىڭ ءوندىرىس جونىندەگى ورىنباسارى لاۋازىمىندا بولعان. ودان كەيىن قىزىلوردا وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى قىزمەتىن اتقاردى.

قازىرگى تاڭدا قىزىلوردا وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى.

جۇما كۇنى پرەزيدەنت جارلىعىمەن بىرنەشە ەلدە ەلشى تاعايىندالدى.

- مەملەكەت باسشىسىنىڭ جارلىقتارىمەن:

قازاقستان رەسپۋبليكاسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى ەركەبۇلان وڭالبەك ۇلى ساپيەۆ قازاقستان رەسپۋبليكاسىنىڭ تۇركى مەملەكەتتەرى ۇيىمى جانىنداعى تۇراقتى وكىلى قىزمەتىن قوسا اتقارۋشى لاۋازىمىنا تاعايىندالدى؛

راۋان ءابدىماناپ ۇلى جۇمابەك قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى لاۋازىمىنا تاعايىندالدى؛

بارلىباي كارىم ۇلى سادىقوۆ قازاقستان رەسپۋبليكاسىنىڭ كەنيا رەسپۋبليكاسىنداعى توتەنشە جانە وكىلەتتى ەلشىسى، نايروبي قالاسىنداعى بىرىككەن ۇلتتار ۇيىمىنىڭ بولىمشەسى جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ تاعايىندالدى. ول قازاقستان رەسپۋبليكاسىنىڭ ەفيوپيا فەدەراتيۆتىك دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى؛

جالعاس جۇما ۇلى ادىلبايەۆ قازاقستان رەسپۋبليكاسىنىڭ ەفيوپيا فەدەراتيۆتىك دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.

23 مامىردا مەملەكەت باسشىسىنىڭ وكىمىمەن ۆاسيلي لاۆرەنوۆ اتوم ەنەرگياسى جونىندەگى اگەنتتىگى ءتوراعاسىنىڭ ورىنباسارى لاۋازىمىنا تاعايىندالدى.

لاۆرەنوۆ ۆاسيلي سەرگەيەۆيچ 1979 -جىلى 17-قاراشادا دۇنيەگە كەلگەن.

2000 -جىلى قازاق مەملەكەتتىك زاڭ اكادەمياسىن ءبىتىردى. 2004 -جىلى ديۋك ۋنيۆەرسيتەتىنىڭ قۇقىق مەكتەبىندە جانە جاپونيانىڭ كيۋسيۋ ۋنيۆەرسيتەتىندە حالىقارالىق قۇقىق ماماندىعى بويىنشا ءبىلىم الدى.

ەڭبەك جولىن 1999 -جىلى «تيتۋل» زاڭ اگەنتتىگىندە زاڭگەر كومەكشىسى بولىپ باستادى. سودان كەيىن «GRATA» زاڭ فيرماسىندا زاڭگەر بولىپ جۇمىس ىستەدى. 2001-2002 -جىلدارى «قازاتومونەركاسىپ» ۇ ا ك» ا ق زاڭ دەپارتامەنتىندە زاڭ كەڭەسشىسى بولىپ قىزمەت ەتتى.

2002-2005 -جىلدارى «GRATA» زاڭ فيرماسى» ج ش س سەرىكتەسى بولدى.

2005-2007 -جىلدارى «Bateman Kazakhstan Oil and Gas Company B. V. » قازاقستانداعى فيليالىنىڭ زاڭ ءبولىمىنىڭ باستىعى، قۇقىقتىق ماسەلەلەر بويىنشا باس كەڭەسشىسى بولىپ جۇمىس ىستەدى.

2007-2008 -جىلدارى «ينتەگرا مەنەدجمەنت» ج ا ق (قازاقستان رەسپۋبليكاسىنداعى وكىلدىك) مۇناي كاسىپشىلىگىنە قىزمەت كورسەتۋ كومپانياسىنىڭ زاڭ قىزمەتىنىڭ ديرەكتورى، 2008-2017 -جىلدارى «ەastcomtrans» كومپانيالار توبىنىڭ زاڭ دەپارتامەنتىنىڭ ديرەكتورى، باس زاڭ كەڭەسشىسى، 2019-2022 -جىلدارى Greenline Services Ltd كومپانياسىنىڭ بۋداپەشت قالاسىنداعى اعا سەرىكتەسى، كەڭەسشىسى لاۋازىمىن اتقارعان.

2022 -جىلدىڭ مامىرىنان «قازمۇنايگاز» ۇ ك» ا ق باسقارما ءتوراعاسىنىڭ ورىنباسارى قىزمەتىندە بولدى.

24-مامىردا مەملەكەت باسشىسىنىڭ جارلىعىمەن دارحان ساتىبالدى الماتى قالاسىنىڭ اكىمى بولىپ تاعايىندالدى.

دارحان ساتىبالدى 1974 -جىلى وڭتۇستىك قازاقستان وبلىسىندا تۋعان.

س. سەيفۋللين اتىنداعى اقمولا اۋىلشارۋاشىلىعى ينستيتۋتىن، قازاق گۋمانيتارلىق زاڭ ۋنيۆەرسيتەتىن بىتىرگەن. ەكونوميكا عىلىمدارىنىڭ كانديداتى.

ەڭبەك جولىن 1996 -جىلى وڭتۇستىك قازاقستان وبلىسىنىڭ كەلەس اۋدانىنىڭ «كەلەس» كوممۋنالدىق كاسىپورنىندا باستاعان.

2000-2006 -جىلدارى قارجى مينيسترلىگىندە، پرەزيدەنتتىڭ ءىس باسقارماسىندا ءارتۇرلى لاۋازىمداردا قىزمەت اتقارعان.

2007-2010 -جىلدارى ءبىلىم جانە عىلىم مينيسترلىگىنىڭ بيۋدجەت جانە قارجى دەپارتامەنتتەرى ديرەكتورىنىڭ ورىنباسارى، عىلىم كوميتەتى ءتوراعاسىنىڭ ورىنباسارى بولعان.

2010 -جىلى ۇلتتىق قاۋىپسىزدىك كوميتەتىنىڭ دەپارتامەنت باستىعى لاۋازىمىنا تاعايىندالعان.

2011-2013 -جىلدارى پرەمەر-مينيستر كەڭسەسىنىڭ

الەۋمەتتىك- ەكونوميكالىق ءبولىمى مەڭگەرۋشىسىنىڭ ورىنباسارى لاۋازىمىن اتقارعان.

2013 -جىلى شىمكەنت قالاسىنىڭ اكىمى بولىپ تاعايىندالعان.

2015-2017 -جىلدارى وڭتۇستىك قازاقستان وبلىسى اكىمىنىڭ ءبىرىنشى ورىنباسارى لاۋازىمىن اتقارعان. پارلامەنت سەناتىنىڭ دەپۋتاتى بولىپ سايلانعان.

2019 -جىلعى ناۋرىزدان باستاپ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى.

2022 -جىلعى 31-تامىزدان تۇركىستان وبلىسىنىڭ اكىمى بولىپ تاعايىندالدى.

2025 قاڭتاردا ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى.

«ەرەن ەڭبەگى ءۇشىن» مەدالىمەن، «قۇرمەت» وردەنىمەن ماراپاتتالعان.

اۆتور

داۋلەت ىزتىلەۋ