ەلىمىزدە اسكەري وقۋ ورىندارىنا ءتۇسۋ قاعيدالارى وزگەردى

استانا. KAZINFORM - قورعانىس مينيسترلىگىنىڭ جاڭا قاعيداسى بيىل 18-ساۋىردەن باستاپ كۇشىنە ەنەدى.

تالاپكەرلەر ءوتىنىشتى اسكەري كوللەدجدەردەگى قابىلداۋ كوميسسيالارىنا تاپسىرادى نەمەسە ەلەكتروندىق ۇكىمەت پورتالى (egov.kz) ارقىلى جەكە ە ت س ق- مەن نەمەسە ۇيالى بايلانىس وپەراتورى ۇسىنعان ابونەنتتىك ءنومىردى پورتالداعى جەكە كابينەتكە تىركەگەن جانە قوسقان جاعدايدا ءبىر رەتتىك قۇپياسوزبەن راستاپ، قۇجاتتار پاكەتىن تىركەيدى.

قۇجاتتار ءتىزىمى:

- ەركىن نىسانداعى ءوتىنىش نەمەسە راپورت (تەگى، اتى-ءجونى، تۋعان كۇنى، تۇرعىلىقتى مەكەنجايى، زاڭدى وكىلدەرىنىڭ بايلانىس دەرەكتەرى كورسەتىلەدى)؛

- جەكە كۋالىك (ءتۇپنۇسقا تەكسەرۋ ءۇشىن) نەمەسە سيفرلىق قۇجاتتار سەرۆيسىنەن ەلەكتروندى نۇسقاسى؛ 16 جاسقا تولماعاندار ءۇشىن تۋۋ تۋرالى كۋالىكتىڭ كوشىرمەسى (ءتۇپنۇسقا تەكسەرۋ ءۇشىن)؛

- اسكەري بيلەت كوشىرمەسى (تەك اسكەري قىزمەتشىلەر مەن قورداعى اسكەري قىزمەتشىلەر ءۇشىن، ءتۇپنۇسقا)؛

- جالپى ورتا نەمەسە تەحنيكالىق جانە كاسىپتىك ءبىلىم تۋرالى اتتەستات/ديپلوم (ءتۇپنۇسقا جانە كوشىرمە)؛ اسكەري كوللەدجگە نەگىزگى ورتا ءبىلىم نەگىزىندە تۇسەتىندەر ءۇشىن نەگىزگى ورتا ءبىلىم تۋرالى كۋالىك؛

- ۇ ب ت سەرتيفيكاتى (اسكەري كوللەدجگە تۇسەتىندەر مەن مەرزىمدى اسكەري قىزمەتىن وتكەرىپ، كونكۋرستان وتكەندەردەن باسقا)؛ كەمىندە 50 بال، ونىڭ ىشىندە بەيىندىك ءپان بويىنشا - كەمىندە 7 بال، باسقا پاندەردەن - كەمىندە 3 بال؛

- 075/ۋ نىسانىنداعى مەديتسينالىق انىقتاما جانە كەلەسى زەرتتەۋلەر (وقۋ ورنىنا كەلگەنگە دەيىنگى سوڭعى 30 كۇن ىشىندە الىنعان):

- جالپى قان تالداۋى؛

- سيفيليسكە ميكرورەاكسيا؛

- جالپى ءزار تالداۋى؛

- مۇرىن قۋىسىنىڭ رەنتگەنوگرافياسى؛

- 12 ارنالى ە ك گ (تىنىشتىقتا؛ قاجەت بولسا جۇكتەمەمەن)؛

- كەۋدە قۋىسىن فليۋوروگرافيا (ءۇش ايدان كەشىكتىرىلمەي)؛

- برۋتسەللەزگە قان تالداۋى (مال ۇستايتىندارعا)؛

- امبۋلاتوريالىق ناۋقاس كارتاسى؛

- ەكپە كارتاسى.

ۇشۋ ماماندىعىنا تۇسەتىن تالاپكەرلەر قوسىمشا:

- جۇكتەمەدەن كەيىنگى ە ك گ؛

- قالقانشا بەزى، جۇرەك، نەسەپ-جىنىس جۇيەسى ۋزي؛

- قانداعى قانت، ۆ جانە س گەپاتيت ماركەرلەرى؛

- تونالدى اۋديومەتريا؛

- ەلەكتروەنتسەفالوگرافيا.

قوسىمشا قۇجاتتار (بار بولسا):

سپورتتىق رازرياد، رەسپۋبليكالىق نەمەسە حالىقارالىق جارىستارداعى جۇلدەلى ورىن، ءبىلىم وليمپيادالارىنداعى جۇلدەلەر تۋرالى قۇجاتتار (مەرزىمدى قىزمەتىن وتكەرىپ، كونكۋرستان وتكەندەردەن باسقا)؛

3×4 ولشەمدى 4 فوتوسۋرەت؛

اتا-اناسىنىڭ قامقورلىعىنسىز قالعان بالالار (اتا-اناسىنىڭ قايتىس بولۋى، قۇقىعىنان ايىرىلۋى، حابار-وشارسىز كەتۋى جانە ت. ب.) ءتيىستى قۇجاتتار كوشىرمەسى (تۇپنۇسقامەن سالىستىرۋ ءۇشىن)؛

اسكەري قىزمەتتە قازا تاپقان نەمەسە مۇگەدەك بولعان، ءىز-ءتۇزسىز جوعالعان اسكەري قىزمەتشىلەردىڭ بالالارى - جەرگىلىكتى اسكەري باسقارۋ ورگانىنىڭ انىقتاماسى؛

ارنايى تەكسەرۋدەن وتكەنى تۋرالى انىقتاما (نەگىزگى ورتا ءبىلىم نەگىزىندە تۇسەتىندەردەن باسقا)؛

مەرزىمدى اسكەري قىزمەت وتكەرگەندەر - اسكەري بولىمدەگى كونكۋرستان وتكەنى تۋرالى سەرتيفيكات.

قوسىمشا شارتتار:

جالپى ورتا ءبىلىم نەگىزىندە تۇسەتىندەر 10-ماۋسىمعا دەيىن جەرگىلىكتى اسكەري باسقارۋ ورگانىنا نەمەسە پورتال ارقىلى ءوتىنىش بەرەدى؛

وقۋعا قابىلدانعاندار اسكەري كوللەدج اۋماعىندا تۇرادى جانە بەيبىت ۋاقىت نورمالارى بويىنشا تاماقپەن قامتاماسىز ەتىلەدى؛

جالپى ورتا ءبىلىم نەگىزىندە وقۋعا قابىلدانعاندار اسكەري قىزمەت وتكەرۋ تۋرالى كەلىسىمشارت جاساسادى؛

نەگىزگى ورتا ءبىلىم نەگىزىندە وقيتىندار 3-كۋرسقا كوشكەندە كەلىسىمشارت جاساسادى؛

وقۋعا قابىلدانعاندار 29-تامىزعا دەيىن كوللەدجگە كەلۋگە ءتيىس؛

قۇجاتتار تولىق ۇسىنىلسا - «جەكە كابينەتكە» قابىلدانعانى تۋرالى حابارلاما جىبەرىلەدى؛

مەرزىمدى اسكەري قىزمەت وتكەرگەندەر وقۋ جىلىندا 24 جاسقا تولماعان بولسا، 10-ماۋسىمعا دەيىن ءوتىنىش بەرەدى؛

قايتا وقۋ ءۇشىن - ەركىن نىسانداعى ءوتىنىش پەن ترانسكريپت ۇسىنىلادى؛

قۇجاتتار تولىق بولماسا نەمەسە مەرزىمى ءوتىپ كەتسە، ءوتىنىش قابىلدانبايدى. پورتال ارقىلى وتىنگەن جاعدايدا - «جەكە كابينەتكە» باس تارتۋ مارتەبەسى جىبەرىلەدى. مەملەكەتتىك قىزمەت كورسەتۋ ناتيجەسى قاعاز نەمەسە ەلەكتروندى تۇردە ۇسىنىلادى.

ەسكە سالا كەتسەك، وتكەن جىلى ەلىمىزدىڭ اسكەري وقۋ ورىندارىندا جاڭا ماماندىقتار پايدا بولاتىنى ايتىلعان ەدى.