ەلىمىزدە اعزا الماستىرۋ وپەراتسياسى اقىلى ما

استانا. KAZINFORM -دەنساۋلىق ساقتاۋ مينيسترلىگى Kazinform ساۋالىنا جولداعان جاۋابىندا اعزا الماستىرۋ ءتارتىبىن ءتۇسىندىردى.

«حالىق دەنساۋلىعى تۋرالى كودەكستىڭ 209-بابى 4-تارماعىنىڭ 3-تارماقشاسى بويىنشا، اۋىستىرىلاتىن اعزا ءتىرى ادامنان نەمەسە مارقۇمنان الىنادى. اعزانى نەمەسە ءتىندى ساتۋعا جانە ساتىپ الۋعا تىيىم سالىنعان. ونىڭ ۇستىنە قازاقستاندا اعزا الماستىرۋ باعىتىنداعى وتالار اقىسىز جاسالادى. ول ءۇشىن دونوردىڭ بولعانى جەتكىلىكتى»، - دەلىنگەن جاۋاپتا.

سونداي- اق، جاۋاپتا ولىمنەن كەيىنگى دونورلىققا قوعامداعى كوزقاراس ءارتۇرلى ەكەنى ايتىلعان.

«بۇل كەزەڭنەن دونورلىق پەن اعزا ترانسپلانتاتسياسىن دامىتۋدا ەلەۋلى ناتيجەگە قول جەتكىزگەن، ولىمنەن كەيىنگى دونورلىق ارقىلى قۇتقارىلعان ءومىر سانىن جىل سايىن ارتتىرىپ كەلە جاتقان مەملەكەتتەردىڭ ءبارى وتكەن»، - دەپ جازىلعان مينيسترلىك مالىمەتىندە.