ەلىمىزدە 62 تريلليون كۆپمەتر گاز بارى بولجانعان

استانا. KAZINFORM - ەلىمىزدە 62 تريلليون كۆپمەتر گاز رەسۋرسى بار دەپ بولجانعان جانە گاز باسسەيندەرىنىڭ تەك ۇشتەن ءبىرى زەرتتەلگەن. بۇل تۋرالى ۇ ك» ا ق باسقارما ءتوراعاسى سانجار جاركەشوۆ ايتتى.

- قازاقستاندا شامامەن 4 تريلليون كۆپمەتر وندىرۋگە دايىن گاز قورى بار، سونداي-اق شامامەن 62 تريلليون كۆپمەتر گاز رەسۋرسى بار دەپ بولجانعان. قازاقستان اۋماعىنداعى 15 شوگىندى باسسەيننىڭ تەك ۇشتەن ءبىرى عانا زەرتتەلگەن. وراسان زور الەۋەت ءالى دە اشىلعان جوق، - دەدى ول Power Central Asia + China العاشقى وڭىرلىك ەنەرگەتيكالىق فورۋمىندا سويلەگەن سوزىندە.

سونداي-اق «QazaqGaz» باسشىسى قىتايلىق كومپانيالاردى قازاقستان جەرىندەگى كەن ورىندارىن يگەرۋگە شاقىردى.

- قازىرگى ۋاقىتتا كاسپي تەڭىزىنىڭ قايراڭىندا دا، قۇرلىقتا دا اشىلعان ءبىرقاتار گاز كەن ورىندارى بار. ولار ءالى كۇنگە دەيىن يگەرىلمەگەن جانە ءوز ۋاقىتى مەن ينۆەستورىن كۇتىپ جاتىر. وسىعان بايلانىستى ءبىز قىتايلىق جانە ورتالىق ازيا كومپانيالارىن بۇل جوبالارعا ينۆەستيتسيا سالىپ، بىرلەسىپ جۇمىس ىستەۋگە شاقىرامىز. بۇل جوبالار قازاقستاننىڭ ىشكى نارىعىنا دا، كورشىلەس ەلدەرگە دە گاز جەتكىزۋدى قامتاماسىز ەتۋگە مۇمكىندىك بەرەدى، - دەدى سانجار جاركەشوۆ.

ودان بولەك، سپيكەر قازاقستاندا العاشقى مۇناي 125 جىل بۇرىن الىنعانىن جانە ەلىمىزدىڭ ترانسۇلتتىق كومپانيالارمەن جۇمىس ىستەۋدە سانجىلدىق تاجىريبەسى بار ەكەنىن اتاپ ءوتتى.

ايتا كەتەيىك، بۇعان دەيىن ەنەرگەتيكا ءمينيسترى ەرلان اقكەنجەنوۆ Power Central Asia + China العاشقى وڭىرلىك ەنەرگەتيكالىق فورۋمى اياسىندا قانداي قانداي كوممەرتسيالىق قۇجاتتارعا قول قويىلاتىنىن ايتتى.

اۆتور

ەربول جانات