ەلورداداعى الاش تاسجولىنىڭ ۋچاسكەسى جوندەۋ جۇمىسىنا بايلانىستى جابىلادى

استانا. KAZINFORM - ەلوردادا الاش تاسجولىنىڭ 69 كوشەسىنەن 191 كوشەسىنە دەيىنگى ارالىعىنا جول جابىنىنىڭ جوعارعى قاباتىن سالۋ جۇمىسى جۇرگىزىلەدى، دەپ حابارلايدى استانا اكىمدىگىنىڭ رەسمي سايتى.

سوعان بايلانىستى 13-15-ماۋسىم ارالىعىندا كولىك قوزعالىسى ءىشىنارا جابىلادى.

جۇرگىزۋشىلەر مەن جاياۋ جۇرگىنشىلەر قوزعالىس باعىتىن الدىن الا جوسپارلاپ، مۇمكىن بولاتىن وزگەرىستەردى ەسكەرۋى قاجەت.

قاۋىپسىزدىكتى قامتاماسىز ەتۋ جانە قولايسىزدىقتاردى ازايتۋ ماقساتىندا ۋاقىتشا جول بەلگىلەرى مەن باعىتتاۋشى كورسەتكىشتەر ورناتىلادى.

بۇعان دەيىن اتىراۋ وبلىسىندا بىلتىرعى سۋ تاسقىنىنان بۇلىنگەن جولدا كوپىر پايدالانۋعا بەرىلگەنىن جازعان ەدىك.