ەلىمىزدە 1- سىنىپ وقۋشىلارى 10-اقپاننان باستاپ دەمالىسقا شىعادى
11:43, 29 - قاڭتار 2025
استانا. kazinform - قازاقستاندىق ءبىرىنشى سىنىپ وقۋشىلارى قوسىمشا قىسقى دەمالىستا 7 كۇن دەمالادى، دەپ حابارلايدى وقۋ-اعارتۋ مينيسترلىگىنىڭ باسپا ءسوز قىزمەتى.
- ەلىمىزدىڭ مەكتەپتەرىندە 2025 - جىلعى 9 - قاڭتاردان باستاپ 10 وقۋ اپتاسىنان تۇراتىن III توقسان باستالدى. 1 - سىنىپتا ءبىلىم الۋشىلارعا 2025 - جىلعى 10-16- اقپان ارالىعىندا (كۇنتىزبەلىك 7 كۇن) قوسىمشا دەمالىس بەرىلەدى، - دەلىنگەن حابارلامادا.
ەسكە سالساق، بۇعان دەيىن جەتىسۋ وبلىسىندا 4000 وقۋشى تىيىم سالىنعان سايتتارعا كىرگەنى بەلگىلى بولدى.
سونىمەن قاتار، پاۆلوداردا وقۋشىنى ۇشكىر زاتپەن تۇيرەپ وتكەن مۇعالىم قىلمىستىق جاۋاپكەرشىلىككە تارتىلاتىنى ايتىلدى.