ەلىمىزدە 1-قاڭتاردان باستاپ قانداي ماڭىزدى وزگەرىستەر بولادى

استانا. قازاقپارات — 2025-جىلعى 1-قاڭتاردان باستاپ قازاقستاندا بىرنەشە ماڭىزدى وزگەرىستەر كۇشىنە ەنەدى.

ەڭبەك جانە الەۋمەتتىك تولەمدەر:

• ەڭ تومەنگى جالاقى: 85000 تەڭگە دەڭگەيىندە ساقتالادى.

• ايلىق ەسەپتىك كورسەتكىش (ا ە ك): 3932 تەڭگەگە دەيىن وسەدى، بۇل ايىپپۇلدار مەن الەۋمەتتىك تولەمدەردىڭ مولشەرىنە اسەر ەتەدى.

• ەڭ تومەنگى كۇنكورىس دەڭگەيى:

46228 تەڭگەگە دەيىن ۇلعايادى.

• زەينەتاقى:

ىنتىماقتى زەينەتاقى مولشەرى ينفلياتسيا دەڭگەيىنەن %2 عا وزىپ يندەكستەلەدى. ەڭ تومەنگى زەينەتاقى مولشەرى 32360 تەڭگە، ال ەڭ جوعارىسى 50851 تەڭگە بولادى.

• جاردەماقىلار:

• بالا تۋۋىنا بايلانىستى ءبىر رەتتىك تولەم:

• 1-3 بالاعا — 149416 تەڭگە (38 ا ە ك).

• 4 جانە ودان دا كوپ بالاعا — 247716 تەڭگە (63 ا ە ك).

• بالا كۇتىمىنە ارنالعان اي سايىنعى جاردەماقى:

• ءبىرىنشى بالاعا — 22648 تەڭگە (5,76 ا ە ك).

• ەكىنشى بالاعا — 26777 تەڭگە (6,81 ا ە ك).

• ءۇشىنشى بالاعا — 30866 تەڭگە (7,85 ا ە ك).

• ءتورتىنشى جانە ودان دا كوپ بالاعا — 34995 تەڭگە (8,90 ا ە ك).

ەڭبەككە جارامسىزدىق جانە اسىراۋشىسىنان ايىرىلۋ بويىنشا جاردەماقى:

2025-جىلعى 1-قاڭتاردان باستاپ %6,5 عا ۇلعايادى.

مەديتسينالىق قىزمەتتەر:

مەديتسينالىق انىقتامالار:

2025-جىلدان باستاپ جەكە مەديتسينالىق قۇجاتتار تولىق ەلەكتروندى فورماتقا كوشەدى، بۇل قارجىنى ۇنەمدەۋگە جانە جۇيەنىڭ تيىمدىلىگىن ارتتىرۋعا باعىتتالعان.

اۋرۋحانالار جۇمىسى:

تاۋەكەلدەردى باسقارۋ جۇيەسى ەنگىزىلىپ، مەديتسينالىق ۇيىمدار «قىزىل»، «سارى» جانە «جاسىل» ايماقتارعا بولىنەدى. بۇل جۇيە 2025-جىلدىڭ قاڭتارىنان باستاپ كۇشىنە ەنەدى.

الەۋمەتتىك ءاميان:

• 2025-جىلعى 1-قاڭتاردان باستاپ «الەۋمەتتىك ءاميان» ەنگىزىلەدى، بۇل مەملەكەتتىك قىزمەتتەردى سيفرلاندىرۋعا جانە الەۋمەتتىك تولەمدەردى وڭايلاتۋعا باعىتتالعان.

ەسكە سالا كەتەيىك، بۇعان دەيىن بيىل بالا قۇقىقتارىن قورعاۋ سالاسىندا قانداي زاڭدار قابىلدانعانىن جازعان بولاتىنبىز.