استانا. KAZINFORM - «قازگيدرومەت» ر م ك 1-2-مامىر كۇندەرىنىڭ قازاقستانداعى اۋا رايى بولجامىن جاريالادى. رەسپۋبليكانىڭ سولتۇستىگىندە، شىعىسىندا، وڭتۇستىك- شىعىسىندا جانە ورتالىعىندا تۇندە قار ارالاس جاڭبىر جاۋۋى ىقتيمال، كۇن كۇركىرەپ، وڭتۇستىك- شىعىستا بۇرشاق جاۋادى.
«قازگيدرومەت» ر م ك باسپا ءسوز حاتشىسى الينا ىسماعۇلوۆانىڭ ايتۋىنشا، قازاقستاندا 1-2-مامىردا ەكپىندى جەل سوعىپ، تۇندە سولتۇستىك جانە شىعىس وبلىستاردا تۇمان تۇسەدى.
«سكانديناۆيا ايماقتارىنان سوققان انتيسيكلوننىڭ اسەرىنەن سولتۇستىك، شىعىس جانە ورتالىق وبلىستاردا اۋا تەمپەراتۋراسى تۇندە 5- گرادۋسقا دەيىن كۇرت تومەندەيدى، 1-6 گرادۋس اياز بولادى، كۇندىز 5-13 گرادۋس جىلى بولادى»، - دەپ حابارلادى ورتالىق كوممۋنيكاتسيالار قىزمەتىندە وتكەن بريفينگتە ا. ىسماعۇلوۆا.
ونىڭ اتاپ وتۋىنشە، اۋا تەمپەراتۋراسىن تۇندە 2-7 گرادۋسقا دەيىن، كۇندىز 15-25 گرادۋسقا دەيىن تومەندەۋىنە ىقپال ەتەتىن سۋىق اعىندار بىرتىندەپ رەسپۋبليكانىڭ وڭتۇستىك ايماقتارىنا اۋىسادى.
اۆتور
زارينا تۋعانبايەۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан