- قارىز جۇكتەمەسىنە توقتالساق، قازىر مەملەكەتتىك قارىز كولەمى 38,8 تريلليون تەڭگەنى نەمەسە جالپى ىشكى ءونىمنىڭ 20,2 پايىزىن قۇرادى. بىزدە بەلگىلەنگەن شەكتى كورسەتكىش بار، ول 32 پايىزعا تەڭ. ءبىز 2030 -جىلعا دەيىنگى كەزەڭدى قامتيتىن سترەسس-تەست جۇرگىزدىك جانە ونىڭ ناتيجەسى قارىز دەڭگەيىنىڭ ج ءى ءو-گە شاققاندا 25 پايىزدان اسپايتىنى كورسەتىلگەن. دەمەك، ءبىز بەكىتىلگەن پارامەترلەر اياسىنان شىقپايمىز، - دەدى ءمادي تاكيەۆ قۇرىلتايدا وتكەن باسپا ءسوز ءماسليحاتىندا.
ونىڭ ايتۋىنشا، بيۋدجەت تاپشىلىعىن ازايتۋ ءۇشىن كىرىس كوزدەرىنەن تۇسەتىن قاراجاتتى ۇلعايتۋ قاجەت.
- قازىرگى ۋاقىتتا وسى كىرىستەر بويىنشا بەلگىلەنگەن جوسپاردى ورىنداپ كەلەمىز. بىلتىرمەن سالىستىرعاندا وسى جىلدىڭ العاشقى توعىز ايىنداعى تۇسىمدەر پليۋس 130 پايىزدى قۇرادى. دەگەنمەن، بۇل ءالى دە جەتكىلىكسىز. جىل سوڭىنا قاراي جىلدىق جوسپاردى تولىق ورىندايمىز دەپ سەنەمىن، - دەدى مينيستر.
سونىمەن قاتار ول بيۋدجەت تاپشىلىعى ماسەلەسىنە توقتالا كەلە، ونى قازىرگى 2,5 پايىزدان 2029 -جىلعا قاراي ج ءى ءو-نىڭ 0,4 پايىزىنا دەيىن قىسقارتۋ جوسپارى بار ەكەنىن ايتتى.