ITV News تەلەارناسىنىڭ حابارلاۋىنشا، جەرگىلىكتى سايلاۋدىڭ ءساتسىز قورىتىندىلارىنان كەيىن ۇلى بريتانيا پارلامەنتىنىڭ كەم دەگەندە 86 مۇشەسى پرەمەر-مينيستر كير ستارمەردىڭ لەيبوريستىك پارتيانىڭ كوشباسشىسى قىزمەتىنەن بوساتىلۋىن قولداۋعا دايىن.
ITV News تىلشىلەرى پارلامەنت دەپۋتاتتارىمەن بايلانىسىپ، ولاردىڭ جاريا مالىمدەمەلەرىن تالدادى. پارلامەنتتىڭ 84 مۇشەسى پرەمەر-ءمينيستردىڭ جاقىن ارادا كەتۋ مەرزىمىن بەلگىلەۋى كەرەك دەپ مالىمدەدى، ال تاعى ەكەۋى پارتياداعى جاعداي جاقسارماعان جاعدايدا ول قىزمەتىنەن كەتۋگە مىندەتتى دەپ سانايدى.
ITV News لەيبوريستىك پارتيانىڭ پارلامەنتتىك فراكسياسىنىڭ بارلىق 403 دەپۋتاتىنا ستارمەردىڭ دۇيسەنبىدەگى ءسوز سويلەۋىنەن كەيىن لايىقتى كوشباسشى بولىپ قالا بەرەتىنىنە سەنىمدى مە دەگەن سۇراق قويىپ، ساۋالناما جىبەردى. جاريالانعان جاۋاپتار مەن تۇسىنىكتەمەلەرگە سايكەس، دەپۋتاتتاردىڭ شامامەن - ى پرەمەر-مينيسترگە ەندى سەنىمدى ەمەس ەكەنىن مويىندادى.
لەيبوريستىك پارتيا ەرەجەلەرىنە سايكەس، جاڭا كوشباسشىنى سايلاۋ پروتسەدۋراسىن ىسكە قوسۋ ءۇشىن 81 دەپۋتاتتىڭ قولداۋى قاجەت. رەسمي تۇردە قارسى دەپۋتاتتار سانى بۇل شەكتەن اسىپ كەتتى، الايدا پروتسەسس بالاما كانديدات رەسمي تۇردە ۇسىنىلعان جاعدايدا عانا باستالادى.
ستارمەر سەيسەنبىدە كابينەت مۇشەلەرىنە ونىڭ باسشىلىعىنا قارسى شىعۋ پروتسەدۋراسى باستالماعانىن جانە پرەمەر- مينيستر قىزمەتىن جالعاستىرۋدى جوسپارلاپ وتىرعانىن مالىمدەدى.
7 -مامىرداعى جەرگىلىكتى سايلاۋدان كەيىن پارتيا ىشىندەگى ساياسي داعدارىس كۇشەيە ءتۇستى، ونىڭ قورىتىندىسى لەيبوريستىك پارتياعا اۋىر سوققى بولدى. وسىعان بايلانىستى ستارمەر ءسوز سويلەپ، قورعانىس، ەنەرگەتيكا جانە ەۋروپامەن قارىم- قاتىناس سالاسىندا شەشۋشى شارالار قابىلداۋعا ۋادە بەردى.
پرەمەر-مينيسترگە دەپۋتات كەترين ۋەست ستارمەردىڭ ءسوزىن «ءالسىز جانە تىم كەش» دەپ اتادى. ول باستاپقىدا پارتيا جەتەكشىسىنە ۇمىتكەر بولۋعا دايىن ەكەنىن مالىمدەگەن، الايدا كەيىنىرەك ءوز ۇستانىمىن جۇمسارتىپ، ارىپتەستەرى اراسىندا پرەمەر-ءمينيستردىڭ كەتۋ مەرزىمىن جاريالاۋىن قولداي باستادى.
بريتاندىق ب ا ق كوشباسشىلىققا ۇمىتكەرلەر رەتىندە سالىق جانجالىنا بايلانىستى قىزمەتىنەن كەتكەن بۇرىنعى ۆيتسە-پرەمەر اندجەلا رەينەردى، دەنساۋلىق ساقتاۋ ءمينيسترى ۋەس ستريتينگتى جانە مانچەستەر ءمەرى ەندي بەرنەمدى اتاپ وتىر. بۇل رەتتە جوعارى رەيتينگىسىنە قاراماستان، بەرنەم ءالى كۇنگە دەيىن كوشباسشىلىققا ۇمىتكەر بولا المايدى، سەبەبى ول پارلامەنت دەپۋتاتى ەمەس.
لەيبوريستىك پارتياداعى داعدارىستىڭ كۇشەيۋى اياسىندا ۇكىمەتتەگى ءۇش شەنەۋنىك وتستاۆكاعا بەردى. ىشكى ىستەر ءمينيسترىنىڭ ورىنباسارى دجەسس فيلليپس ەندى «قازىرگى باسشىلىق كەزىندە» قىزمەت ەتە المايتىنىن مالىمدەدى.
ونىڭ ارتىنان كير ستارمەردەن ءوزىنىڭ قىزمەتىنەن كەتۋ مەرزىمىن جاريالاۋدى سۇراعان ادىلەت ءمينيسترى الەكس دەۆيس- دجونس وتستاۆكاعا كەتتى. ءبىرىنشى بولىپ قىزمەتىنەن كەتكەن تۇرعىن ءۇي قۇرىلىسى ءمينيسترى ميەتتا فانبۋللە پارتيا باسشىسىن اۋىستىرۋعا شاقىرىپ، مانچەستەر مەرى ەندي بەرنەم كانديداتۋراسىن قاراستىرۋدى ۇسىندى.
بريتاندىق ساياسي جۇيەدە مينيسترلىك جانە كىشى مينيسترلىك لاۋازىمداردى پارلامەنتتىڭ مۇشەلەرى اتقارادى، سوندىقتان مۇنداي وتستاۆكالار بيلەۋشى پارتيا ىشىندەگى ءبولىنۋدىڭ كۇردەلى بەلگىسى رەتىندە قاراستىرىلادى.
ەسكە سالساق، وتكەن جىلى داۋ- دامايدان كەيىن ۇلى بريتانيا ۇكىمەتىندە اۋقىمدى كادرلىق وزگەرىستەر بولدى.