ۇلى بريتانيانىڭ سىرتقى ىستەر ءمينيسترى دەۆيد كەمەرون يزرايلگە باردى
دەۆيد كەمەرون تۇتقىنداردى بوساتۋ جانە گازا سەكتورىنا گۋمانيتارلىق كومەك جەتكىزۋ كەلىسىمىن تالقىلاۋ ءۇشىن يزرايل جانە پالەستينا كوشباسشىلارىمەن كەزدەسەدى. Kazinform بۇل تۋرالى BBC-گە سىلتەمە جاساپ حابارلايدى.
دەۆيد كەمەرون سونداي-اق گازادان نەبارى بەس شاقىرىم جەردە ورنالاسقان بەەري كيبۋتسىندا بولدى.
بۇعان دەيىن د. كەمەرون لوندونعا كەلگەن اراب جانە يسلام ەلدەرىنىڭ سىرتقى ىستەر مينيسترلەرىمەن گازا سەكتورىنداعى جاعدايدى تالقىلادى. ساۋد ارابياسى، يوردانيا، مىسىر، پالەستينا، تۇركيا، يندونەزيا جانە نيگەريا سىرتقى ىستەر ۆەدومستۆولارىنىڭ باسشىلارى، سونداي-اق اراب مەملەكەتتەرى ليگاسىنىڭ باس حاتشىسى جانە كاتاردىڭ لوندونداعى ەلشىسى بۇۇ قاۋىپسىزدىك كەڭەسىنە تۇراقتى مۇشە ەلدەردىڭ استانالارىنا بارىپ ءجۇر.
د. كەمەرون بىرىككەن كورولدىكتىڭ سىرتقى ىستەر ءمينيسترى بولىپ جاقىندا تاعايىندالعان. 2010-2016 -جىلدارى ول ۇلى بريتانيانىڭ پرەمەر-ءمينيسترى قىزمەتىن اتقارعان.