ۇلى بريتانياداعى ونەركاسىپ قويماسىندا كۇشتى جارىلىس بولدى

استانا. KAZINFORM - ۋيلتشير گرافتىعىندا سۋيندونداعى ونەركاسىپتىك ايماقتا ورنالاسقان قويمادا بولعان كۇشتى جارىلىستان كەيىن كۇردەلى توتەنشە جاعداي ورنىندا شۇعىل قىزمەت جۇمىس ىستەپ جاتىر، دەپ حابارلايدى Sky News.

ۋيلتشير پوليتسياسىنىڭ حابارلاۋىنشا، جاقىن ماڭداعى اۋداندارداعى ادامدار ەۆاكۋاتسيالانىپ جاتىر.

قۇقىق قورعاۋ ورگاندارى جەرگىلىكتى تۇرعىنداردى ءوز قاۋىپسىزدىگى ءۇشىن ۇيدە بولىپ، تەرەزەلەردى جابۋعا جانە اۋماقتان الىس جۇرۋگە شاقىردى.

ءورت ءسوندىرۋ-قۇتقارۋ قىزمەتىنىڭ مالىمەتىنشە، وقيعا ورنىندا كەمى 10 ءورت ءسوندىرۋ ماشيناسى، ونىڭ ىشىندە باسپالداق جانە سۋ تاسيتىن كولىكتەر سياقتى مامانداندىرىلعان تەحنيكا جۇمىس ىستەپ جاتىر. ءورت سوندىرۋشىلەر قويماداعى جالىنمەن كۇرەسىپ، ءورتتى اۋىزدىقتاۋعا تىرىسىپ وتىر.

كوپتەگەن جەرگىلىكتى تۇرعىن الەۋمەتتىك جەلىدە جارىلىستى سەزىنگەنىن ايتتى.

جارىلىستىڭ سەبەبىن انىقتاۋ جۇمىستارى جۇرگىزىلىپ جاتىر.

بۇعان دەيىن مادريدتە بارداعى جارىلىستان كەمىندە 14 ادام زارداپ شەككەنىن حابارلاعان بولاتىنبىز.