ولار ۋكراينا پرەزيدەنتى ۆلاديمير زەلەنسكيمەن كەلىسسوز جۇرگىزىپ، رەسەيدى اتىستى 30 كۇنگە توقتاتۋعا كەلىسۋگە شاقىرماق.
ماكرون «تورتتىكتىڭ» بىرلەسكەن سۋرەتىن جاريالاپ، وعان فرانسۋز، اعىلشىن، نەمىس جانە پولياك تىلدەرىندە: «ءبىز كيەۆكە جولعا شىقتىق. ۋكراينا ءۇشىن، ەۋروپا ءۇشىن» دەگەن جازبا قالدىردى.
ساپار قارساڭىندا كيەۆتىڭ ەۋروپالىق وداقتاستارىنىڭ باسشىلارى ماسكەۋدى «اتىستى 30 كۇنگە تولىق جانە ءسوزسىز توقتاتۋعا» شاقىردى. ا ق ش پرەزيدەنتى دونالد ترامپ زەلەنسكيمەن سويلەسكەننەن كەيىن 8-مامىردا ا ق ش رەسەيدەن 30 اتىستى 30 كۇنگە توقتاتۋدى تالاپ ەتەتىنىن مالىمدەدى.
ءبىر كۇن بۇرىن Reuters اگەنتتىگى ديپلوماتيالىق دەرەككوزگە سىلتەمە جاساي وتىرىپ ا ق ش پەن ەۋروپالىق وداقتاستار ماسكەۋگە ۋكرايناداعى اتىستى 30 كۇنگە توقتاتۋ تۋرالى ۇسىنىسىن اياقتاپ جاتقانىن، ال ەگەر رەسەي ودان باس تارتسا، ە و مەن ا ق ش- تىڭ جاڭا سانكسيالارىنا تاپ بولاتىنىن حابارلادى.
بۇعان دەيىن گەرمانيانىڭ جاڭا كانتسلەرى فريدريح مەرتس اتىستى توقتاتۋ تۋرالى كەلىسىم الداعى ەكى كۇن ىشىندە شەشىلۋى مۇمكىن ەكەنىن مالىمدەدى.