قازاقستان اۋماعىنىڭ باسىم بولىگىندە سولتۇستىك- باتىس سيكلونىنىڭ جانە وعان بايلانىستى اتموسفەرالىق فرونتالدى بولىمدەردىڭ ىقپالىمەن تۇراقسىز اۋا رايى ساقتالادى. نايزاعاي ويناپ، جاڭبىر، بۇرشاق جاۋىپ، داۋىل تۇرادى.
ەلدىڭ شىعىسىندا، وڭتۇستىگىندە، وڭتۇستىك- شىعىسىندا قاتتى جاڭبىر جاۋادى.
رەسپۋبليكانىڭ سولتۇستىك- باتىسىندا، وڭتۇستىك- شىعىسىندا انتيسيكلون جوتاسىنىڭ اسەرىنەن جاۋىن-شاشىنسىز اۋا رايى بولادى. رەسپۋبليكا بويىنشا جەل كۇشەيىپ، ەلىمىزدىڭ باتىسىندا تۇندە جانە تاڭەرتەڭ، وڭتۇستىك-شىعىسىنداعى تاۋلى ايماقتاردا - تۇمان، وڭتۇستىگىندە شاڭدى داۋىل بولادى.
تۇندە سولتۇستىك قازاقستان وبلىسىنىڭ باتىسىندا، اقمولا وبلىسىنىڭ سولتۇستىگىندە، وڭتۇستىگىندە، پاۆلودار، قاراعاندى، قوستاناي وبلىستارىنىڭ باتىسىندا، سولتۇستىگىندە، اقتوبە، باتىس قازاقستان وبلىستارىنىڭ سولتۇستىگىندە، اباي وبلىسىنىڭ باتىسىندا 1-6 گرادۋس ۇسىك جۇرەدى.
قىزىلوردا وبلىسىندا، جەتىسۋ وبلىسىندا، الماتى وبلىسىنىڭ سولتۇستىگىندە، شىعىسىندا، جامبىل وبلىسىنىڭ باتىسىندا، شىعىسىندا، سولتۇستىگىندە، تۇركىستان وبلىسىنىڭ ورتالىعىندا جوعارى ءورت قاۋپى ساقتالادى.
سونداي-اق ۇلىتاۋ وبلىسىندا، قاراعاندى وبلىسىنىڭ باتىسىندا، سولتۇستىگىندە، وڭتۇستىگىندە، اقتوبە وبلىسىنىڭ وڭتۇستىگىندە، اقمولا وبلىسىنىڭ وڭتۇستىك- شىعىسىندا، باتىسىندا، شىعىسىندا دا جوعارى ءورت قاۋپى بولجانعان.
پاۆلودار وبلىسىنىڭ وڭتۇستىگىندە، شىعىس- قازاقستان وبلىسىندا، اباي وبلىسىنىڭ شىعىسىندا جوعارى ءورت قاۋپى كۇتىلەدى.
ال قىزىلوردا وبلىسىنىڭ شىعىسىندا، وڭتۇستىگىندە، اباي وبلىسىنىڭ ورتالىعىندا، جەتىسۋ وبلىسىنىڭ وڭتۇستىك- شىعىسىندا، وڭتۇستىگىندە توتەنشە ءورت قاۋپى ساقتالادى.
ايتا كەتەيىك، بۇگىن تەك ءبىر قالادا اۋا ساپاسى تومەندەيدى.