ۆەلوسپورتتان ازيا چەمپيوناتى: الماتىدا جولدار جابىلادى

الماتى اكىمدىگىنىڭ مالىمەتىنشە، تۇرعىندارعا ىڭعايلى بولۋ ءۇشىن جولدىڭ ءبىر جاعى جابىلىپ، ەكىنشى جاعىندا كەرى قوزعالىس ۇيىمداستىرىلادى.

6-12-ماۋسىم ارالىعىندا كەيبىر كوشەدە جول قوزعالىسىنا شەكتەۋلەر ەنگىزىلەدى.

6، 7، 8-ماۋسىمدا ساعات 09:00-دەن 17:00-گە دەيىن ب. مومىش ۇلى كوشەسىنىڭ باتىس جاعىمەن سولتۇستىك باعىتتا «الماتى ارەنا» كەشەنىنەن سايىن كوشەسىنە دەيىنگى اۋماقتا جول جابىلادى. جولدىڭ شىعىس جاعىندا كەرى قوزعالىس ۇيىمداستىرىلادى.

9، 10، 11، 12-ماۋسىمدا:

ب. مومىش ۇلى كوشەسىنىڭ باتىس جاعىنداعى جول بويى «الماتى ارەنا» كەشەنىنەن الماتى يندۋستريالىق ايماققا دەيىن كولىك قوزعالىسى شەكتەلەدى. سونداي- اق، جولدىڭ شىعىس جاعىندا كەرى قوزعالىس ۇيىمداستىرىلادى.

جولداردى جابۋ كەستەسى:

9-ماۋسىم 09:00-دەن 18:00-گە دەيىن؛

10-ماۋسىم 07:00-دەن 11:00-گە دەيىن؛ 12:00-دەن 16:30-عا دەيىن؛

11-ماۋسىم 07:00-دەن 13:00-گە دەيىن؛

12-ماۋسىم ساعات 9:00- دەن 14:30-عا دەيىن.

«قالا تۇرعىندارى مەن قوناقتارىنان ۋاقىتشا قولايسىزدىققا تۇسىنىستىكپەن قاراۋدى جانە باعىتتارىن الدىن الا جوسپارلاۋدى سۇرايمىز»، - دەلىنگەن حابارلامادا.

بۇعان دەيىن ازيا چەمپيوناتىندا ەل نامىسىن قورعايتىن سپورتشىلار تۋرالى جازعان ەدىك.

اۆتور

الما مۇقانوۆا