ەلوردانىڭ جەدەل جاردەم دارىگەرلەرى پاتسيەنتتەرگە تاكسيمەن دە بارا بەرەدى
13:26, 12 - ماۋسىم 2024
استانا. KAZINFORM - ەلوردانىڭ جەدەل مەديتسينالىق جاردەم ستانسياسىنىڭ دارىگەرلەرى ەندىگى ۋاقىتقا پاتسيەنتتەرگە تاكسيمەن جەتەدى.
بۇل اقپاراتتى استانا قالاسىنىڭ قوعامدىق دەنساۋلىق ساقتاۋ باسقارماسى راستادى.
«كۇتۋ ۋاقىتىن قىسقارتۋ ماقساتىندا قالالىق جەدەل مەديتسينالىق جاردەم ستانسياسى كولىك قۇرالدارىن جالداۋ شارتىن جاساستى. مۇنداي كولىك قۇرالدارى جەدەل جاردەم بريگاداسى جەدەلدىكتىڭ 3-4 ساناتى بويىنشا شاقىرتۋلارعا شىعۋى ءۇشىن قاراستىرىلعان. اتالعان ساناتتار بويىنشا پاتسيەنتتى تاسىمالداۋ، سونداي-اق كولىكتى مەديتسينالىق جابدىقتارمەن جاراقتاندىرۋ تالاپ ەتىلمەيتىنىن اتاپ وتكەن ءجون»، - دەپ اتاپ ءوتتى استانا قالاسىنىڭ قوعامدىق دەنساۋلىق ساقتاۋ باسقارماسىنان.
اۆتور
مارلان جيەمباي