استانا. KAZINFORM - شاحماتتان ايەلدەر اراسىندا گرۋزيانىڭ باتۋمي قالاسىندا جالعاسىپ جاتقان الەم كۋبوگىندا مەرۋەرت كاماليدەنوۆا (رەيتينگتە 59-ورىن) 1/32 فينالدا قازىرگى چەمپيون سانالاتىن الەكساندرا گورياچكينانى (رەيتينگتە 6-ورىن) جەڭىپ كەتتى. بۇل تۋرالى استانا قالاسىنىڭ اكىمدىگى ءمالىم ەتتى.
الەمنىڭ 107 شاحماتشىسى باق سىناپ جاتقان باسەكەدە ءار قاتىسۋشى قارسىلاسىمەن كلاسسيكالىق فورماتتا 2 پارتيا ويناپ، ءوزارا جەڭىمپازدى انىقتايدى. ەندى جەرلەسىمىز ەرتەڭ قارا فيگۋرادا وينايدى.
2021-جىلدان بەرى ۇيىمداستىرىلىپ كەلە جاتقان تۋرنيردە ەڭ ۇزدىك ناتيجەنى دينارا ءسادۋاقاسوۆا تىركەگەن. ول 2021-جىلى شيرەك فينالعا دەيىن جەتىپ، ءدال وسى الەكساندرا گورياچكيناعا جول بەرگەن بولاتىن.
بۇعان دەيىن حابارلانعانداي، استانادا كلاسسيكالىق شاحماتتان قازاقستان بىرىنشىلىگىندە جەڭىمپازدار انىقتالدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.