ەلوردالىق دارىگەرلەر روبوت-اسسيستەنتتىڭ كومەگىمەن 5 پاتسيەنتكە وتا جاسادى

استانادا اكادەميك ن. ج. باتپەنوۆ اتىنداعى ۇ ع ت و دارىگەرلەرى روبوت- اسسيستەنتتىڭ كومەگىمەن بەس پاتسيەنتكە ەرەكشە وپەراتسيا جاسادى.

ولارعا م ءا م س اياسىندا قۇنى ەكى ميلليون تەڭگەگە جۋىق وتا جاسالدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.

جىل سايىن مەديتسينالىق ساقتاندىرۋ قاراجاتى ەسەبىنەن حالىققا تراۆماتولوگيا، كارديوحيرۋرگيا، نەيروحيرۋرگيا، ۋرولوگيا، ونكولوگيا جانە ت. ب. بويىنشا جۇزدەگەن قىمبات وپەراتسيا جاسالادى.

بۇگىنگى تاڭدا تىزە مەن جامباس بۋىندارىن اۋىستىرۋ وپەراتسيالارى حالىق اراسىندا ۇلكەن سۇرانىسقا يە.

ەلوردادا اكادەميك ن. ج. باتپەنوۆ اتىنداعى تراۆماتولوگيا جانە ورتوپەديا عىلىمي ورتالىعىندا 5 پاتسيەنتكە روبوتپەن تىزە اۋىستىرۋ بويىنشا كۇردەلى وپەراتسيا جاسالدى. ەندوپروتەزدەۋدىڭ يدەياسى - ادامنىڭ زاقىمدالعان بۋىنىن جاساندى يمپلانتپەن الماستىرۋ. زاقىمدالعان ايماقتىڭ 3D سكانەرلەۋىنىڭ ارقاسىندا روبوت كومەكشىسى پاتسيەنتتەردىڭ بۋىنىنا بارلىق پارامەتردى ماتەماتيكالىق تۇرعىدان ءمىنسىز ەسەپتەي وتىرىپ يمپلانت قويۋعا مۇمكىندىك بەردى. وپەراتسيالار IT ماماندارىنىڭ قاتىسۋىمەن كومپيۋتەرلىك ناۆيگاتسيا ارقىلى جاسالدى.

«جاقىندا بىزدە روبوت- اسسيستەنتتىڭ كومەگىمەن تىزە بۋىنىن تولىق ەندوپروتەزدەۋ بويىنشا وپەراتسيالار جاسالدى. روبوت - بۇل ءبىزدىڭ قاي جەردە ەكەنىمىزدى كورىپ قانا قويماي ءارى ءبىر ميلليمەترگە دەيىن، ءبىر گرادۋسقا دەيىن قۇرالدىڭ ورنىن رەتتەي الاتىن اقىلدى قۇرال، ال ادام ءدال ول سياقتى تۇپ- تۋرا كورە المايدى. ناتيجەسى جامان ەمەس. ناۋقاستار وزدەرىن جاقسى سەزىنەدى. ولار بالداقتىڭ كومەگىمەن جۇرە الادى. وپەراتسياعا دەيىن ولاردىڭ قوزعالۋى قيىن بولاتىن. وتادان كەيىن ولارعا ەش شەكتەۋ جوق، بۋىندارى بۇگىلىپ، تولىق قوزعالا الادى. تىزە بۋىنىن ەندوپروتەزدەۋ شامامەن 2 ميلليون تەڭگەنى قۇرايدى، وعان يمپلانتتار، وپەراتسيا، كۇنىنە توسەك- ورىن، انەستەزيا، قاجەتتىلىك بويىنشا بارلىق تەكسەرۋلەر مەن ەمدەۋ كىرەدى. بارلىق وپەراتسيا م ءا م س جۇيەسىندە پاتسيەنتتەرگە تەگىن جۇرگىزىلدى»، - دەدى ن. باتپەنوۆ اتىنداعى ۇ ع ت و بولىمشەسىنىڭ №7 تراۆماتولوگ- ورتوپەد دارىگەرى جۇماحان ءسلاموۆ.

قازىرگى ۋاقىتتا پاتسيەنتتەر وڭالتۋدىڭ 1- كەزەڭىنەن ءوتىپ جاتىر. ءبىر جارىم ايدان كەيىن ولار ورتالىقتا قايتا وڭالتۋدان نەمەسە تۇرعىلىقتى جەرى بويىنشا وڭالتۋدىڭ كەلەسى كەزەڭدەرىنەن ءوتۋى مۇمكىن.

وڭالتۋ قۇنى - 380 مىڭ تەڭگە، وپەراتسيا قۇنى - شامامەن 2 ميلليون تەڭگە. پاتسيەنتتەرگە ارنالعان وپەراتسيالار دا، وڭالتۋ ءىس- شارالارى دا م ءا م س جۇيەسىندە جۇرگىزىلەدى.

ەستەرىڭىزگە سالا كەتەيىك، 2023 -جىلدىڭ باسىنان باستاپ استانا دارىگەرلەرى 35,2 ميلليون تەڭگە سوماسىنا تىزە مەن جامباس بۋىندارىن اۋىستىرۋ بويىنشا وپەراتسيالار جاسادى.

اۆتور

ابىلايحان جۇماشيەۆ