تىرەكتەردى قۇيۋ ءۇشىن 53,7 مىڭ تەكشە مەتر بەتون جانە 42 مىڭ توننا ارماتۋرا جۇمسالدى. تىرەكتىڭ تومەنگى بولىگىنىڭ ەنى - 2-2,4 مەتر، جوعارعى بولىگى - 6,8 مەتر، بيىكتىگى ەستاكادا جولىنىڭ وتەتىن جەرىنە بايلانىستى 5 تەن 18 مەترگە دەيىن، ءبىر تىرەكتىڭ ورتاشا سالماعى - 200 توننا.
قازاقستاندىق ستاندارتتار بويىنشا ۆ45 كلاسىنداعى م600 ماركالى بەتون قولدانىلادى. ايتا كەتەرلىگى، ۆ45 كلاسىنداعى بەتون گيدروەلەكتروستانتسيالاردى، بەكىنىس قۇرىلىستارىن، بۋنكەرلەردى، مەتروپوليتەن، اۋىر مەتاللۋرگيا كاسىپورىندارىن، حيميالىق، عارىشتىق، قورعانىس زاۋىتتارىن، اتوم ەنەرگەتيكاسى وبەكتىلەرىن سالۋدا قولدانىلادى.
ەسكە سالا كەتەيىك، بۇعان دەيىن City Transportation Systems كومپانياسى جوندەۋ جۇمىسىنا بايلانىستى بىرنەشە اۆتوبۋستىڭ باعدارىنا وزگەرىس ەنگەنىن حابارلاعانىن جازعان ەدىك.