ەلورداداعى جانتۇرشىگەرلىك كولىك اپاتىنا بايلانىستى سوتقا دەيىنگى تەرگەۋ باستالدى

استانا. KAZINFORM - ەلوردادا بولعان جۇك كولىكتەرىنىڭ اپاتىنا قاتىستى پوليتسيا سوتقا دەيىنگى تەرگەۋدى باستادى. بۇل تۋرالى Kazinform اگەنتتىگى پوليتسيا دەپارتامەنتىنىڭ باسپا ءسوز قىزمەتىنە سىلتەمەمەن حابارلايدى.

- الدىن الا مالىمەت بويىنشا، «Mercedes» جۇك كولىگىنىڭ جۇرگىزۋشىسى قارسى جولاققا شىعىپ كەتىپ، «Sinotruk» جۇك كولىگىمەن سوقتىعىسقان. وقيعا سالدارىنان ەكەۋى دە وتقا ورانعان. ء ورتتى ءسوندىرۋ كەزىندە «Mercedes» اۆتوكولىگىنىڭ كابيناسىنان جۇرگىزۋشىنىڭ دەنەسى تابىلدى. ول سول جەردە كوز جۇمعان. ال ەكىنشى جۇرگىزۋشى ءورت باستالعانعا دەيىن كابينادان سەكىرىپ ۇلگەرگەن. ول امان، - دەلىنگەن حابارلامادا.

بۇعان دەيىن قالالىق دەنساۋلىق ساقتاۋ باسقارماسى وقيعا ورنىنان تابىلعان ەر ادامنىڭ دەنەسى قاتتى كۇيىپ قالعاندىقتان، ونىڭ نە ۇلتىن، نە جاسىن انىقتاۋ مۇمكىن بولماي جاتقانىن مالىمدەدى.

ايتا كەتەيىك، استانادا ەكى جۇك كولىگى سوقتىعىسىپ، ارتىنشا ورتكە ورانعانىن جازعان ەدىك.