ەلوردادا وقۋشىلاردى تاماقتاندىرۋعا بولىنەتىن سوما ارتادى

بۇگىن استانادا قالالىق كاسىپكەرلەر پالاتاسى الاڭىندا مەكتەپ وقۋشىلارىن ساپالى تاماقتاندىرۋ ماسەلەسى تالقىلاندى، دەپ حابارلايدى Kazinform.

«مەكتەپتەگى تاماقتانۋ بويىنشا ماسەلە بيۋجەتتىڭ تاپشىلىعىمەن بايلانىستى. بۇگىندە جاڭا اس ءمازىرى دايىن: ءبىراق جاڭا ءمازىردى قالالىق ءبىلىم باسقارماسى دا، بيزنەس وكىلدەرى قابىلداماي وتىر. ويتكەنى، ولار باعانى 600 تەڭگەگە دەيىن ءوسىرۋ تۋرالى شەشىم قابىلداماقشى. جەكە مەنشىك مەكتەپتەردىڭ الاتىن سوماسى مەملەكەتتىكتەن ەكى ەسە ارتىق. ولاردا بىرنەشە رەت تاماقتاندىرۋ مۇمكىندىگى بار. كەيبىر كاسىپكەرلەردىڭ قۇرال-جابدىعى توزعان، ولار نەسيە الۋ كەرەك. بۇل قوسىمشا شىعىن. سوسىن جۇمىسشىلاردىڭ جالاقىسى بار، ونى دا كوتەرۋ كەرەك»، - دەدى استانا قالاسى كاسىپكەرلەر پالاتاسىنىڭ ديرەكتورى بەيسەن جولبولديەۆ جيىن بارىسىندا.

ونىڭ ايتۋىنشا، كاسىپكەرلەر مەكتەپتەگى تاماقتاندىرۋ بويىنشا ءوز مىندەتىن ورىنداۋعا دايىن. دەگەنمەن ولاردا تابىس كورۋ كەرەك.

«تاماقتاندىرۋ بويىنشا 3 ۇسىنىس بار، ەگەر قالالىق ءماسليحات قولداسا ورتاشا ەسەپپەن نەمەسە جوعارىراق ەسەپپەن قارالادى. كاسىپكەرلەر تاماق باعاسىن 800 تەڭگەگە دەيىن كوتەرۋدى سۇراپ وتىر. قازىر مەكتەپتەگى تاماقتىڭ باعاسى 584 تەڭگە. ودان بولەك، بۇگىنگى وتىرىستا مەكتەپتەگى بۋفەت باعاسى دا باقىلاۋعا الىنادى. بالالار باعاعا قارامايدى، الا بەرەدى، ال باعا شامادان تىس بولماۋى كەرەك»، - دەيدى ول.

سونداي-اق، قالالىق كاسىپكەرلەر پالاتاسىنىڭ باسشىسى، مەكتەپتەگى تاماقتاندىرۋ بويىنشا قاراشادا ءماسليحاتقا ۇسىنىس بەرىلەتىنىن ايتتى. ەگەر ءماسليحات بەكىتسە، كەلەسى جىلدان باستاپ باعا وسەدى.