ەلوردادا تاركىلەنگەن 10 ميلليارد تەڭگەنىڭ جەرىنە نە سالىنادى

استانا. KAZINFORM - بيىل ەلوردادا مەملەكەتتىك قاجەتتىلىك ءۇشىن 264 جەر ۋچاسكەسى الىنادى. بۇل جەرلەرگە 35 الەۋمەتتىك نىسان سالۋ جوسپارلانىپ وتىر.

بۇعان دەيىن قالالىق ءماسليحات وتىرىسىنا 1 ميلليارد 260 ميلليون تەڭگە سوماسىنا جالپى اۋدانى 15 گەكتار 16 نىسان بويىنشا 58 جەر ۋچاسكەسىن ساتىپ الۋ جونىندەگى شارتتىڭ جوباسى شىعارىلعان ەدى.

قالعان 206 ۋچاسكە بويىنشا بۇگىندە باعالاۋ جانە كەلىسۋ پروتسەدۋراسى جۇرگىزىلىپ جاتىر. اكىمدىكتىڭ اتاپ وتۋىنشە، كەيبىر ۋچاسكە يەلەرى شارتتارمەن تانىستى. الايدا 15 مەنشىك يەسى ساتىپ الۋ قۇنىمەن كەلىسپەي وتىر. ماسەلە الداعى ۋاقىتتا سوتتا شەشىلمەك.

- مەملەكەت قاجەتتىلىگى ءۇشىن الىناتىن جەر ۋچاسكەسى مەن وندا تۇرعان نىسان ءۇشىن مەنشىك يەسىنە نەمەسە مەملەكەتتىك ەمەس جەردى پايدالانۋشىعا نارىقتىق قۇنى بويىنشا تەڭدەي قۇن وتەلەدى. جەر ۋچاسكەسىنىڭ نارىقتىق قۇنىن «ق ر مەملەكەتتىك ساتىپ الۋ تۋرالى» زاڭنىڭ 13-بابىنا سايكەس جاريالانعان اشىق بايقاۋ جەڭىمپازى سانالاتىن تاۋەلسىز باعالاۋشى ايقىندايدى، - دەپ ءتۇسىندىردى اكىمدىكتەن اگەنتتىكتىڭ رەسمي ساۋالىنا وراي.

سونىمەن قاتار ەلوردا اكىمدىگى مەملەكەت قاجەتتىلىگىنە الىناتىن جەرلەرگە سالىناتىن 35 الەۋمەتتىك نىساندى اتادى:

1. ا. يمانوۆ كوشەسىنەن بوگەنباي باتىر داڭعىلىنا دەيىن اسان قايعى كوشەسى قۇرىلىسى؛

2. قورعالجىڭ تاس جولىندا دارىندى بالالارعا ارنالعان رەسپۋبليكالىق مەكتەپ-ينتەرنەت قۇرىلىسى؛

3. پوتانين مەن كەرەگەتاس كوشەلەرى قيىلىسى اۋدانىنداعى مەكتەپ قۇرىلىسى؛

4. قابانباي باتىر داڭعىلى مەن بۇقار جىراۋ كوشەسى قيىلىسىنداعى مەكتەپ قۇرىلىسى؛

5. اقان سەرى مەن س ف ل-2 (جوبالىق اتاۋى) قيىلىسىنداعى بالاباقشا قۇرىلىسى؛

6. ا. توقپانوۆ كوشەسىندەگى مەكتەپ قۇرىلىسى؛

7. ج. ناجىمەدەنوۆ پەن س. نۇرماعامبەتوۆ كوشەلەرى قيىلىسى اۋدانىنداعى بالاباقشا قۇرىلىسى؛

8. ش. قالداياقوۆ پەن س. نۇرماعامبەتوۆ كوشەسى قيىلىسى اۋدانىنداعى بالاباقشا قۇرىلىسى؛

9. ەڭلىك-كەبەك پەن اقان سەرى كوشەلەرى قيىلىسى اۋدانىنداعى كوپبەيىندى اۋرۋحانا قۇرىلىسى؛

10.ش. ءۋاليحانوۆ كوشەسىندەگى 24-اۋدانىن اباتتاندىرۋ؛

11. ش. ءۋاليحانوۆ پەن س. سەيفۋللين كوشەلەرى قيىلىسى اۋدانىن اباتتاندىرۋ؛

12. س. ءجۇنىسوۆ پەن ش. جيەنقۇلوۆا كوشەلەرى قيىلىسى اۋدانىنداعى گۇلزار قۇرىلىسى؛

13. دوستىق كوشەسى بويىندا ورنالاسقان ساياباق قۇرىلىسى، 9-ءۇي اۋدانى؛ 14.جامبىل كوشەسىندە قوعامدىق كەڭىستىكتى اباتتاندىرۋ، 8-ءۇي اۋدانى؛

15. ش. جيەنقۇلوۆا كوشەسىنەن اسان قايعى كوشەسىنە دەيىنگى ۋچاسكەدە ءبيشى قايىڭ كوشەسى قۇرىلىسى؛

16. ءبيشى قايىڭ كوشەسىنەن ءا. جانگەلدين كوشەسىنە دەيىنگى ۋچاسكەدە سىرداريا كوشەسى قۇرىلىسى (1-كەزەك)؛

17. الاش تاس جولىنان ابىرالى كوشەسىنە دەيىن ش. جيەنقۇلوۆا كوشەسى قۇرىلىسى؛

18. س. سەيفۋللين كوشەسىنەن ءا. جانگەلدين كوشەسىنە دەيىنگى ۋچاسكەدە سىرداريا كوشەسى قۇرىلىسى (2-كەزەك)؛

19. كەرەي- جانىبەك حاندار كوشەسىنە ۇلى دالا داڭعىلىنا دەيىن (1 ۋچاسكە) 37 كوشە (جوبالىق اتاۋى) قۇرىلىسى؛

20. V- ۋچاسكە كىشى اينالما جولى قۇرىلىسى (تىلەنديەۆ داڭعىلىنان كونستيتۋتسيا كوشەسىنە دەيىن بەيسەكوۆا كوشەسى بويىمەن)؛

21. 38-كوشەدەن ابىلاي حان داڭعىلىنا دەيىنگى ۋچاسكەدە حۋسەين بەن تالال كوشەسى قۇرىلىسى؛

22. 12-كوشەدەن ش. قالداياقوۆ كوشەسىنە دەيىن ورنالاسقان ل. ميرزويان كووشەسى قۇرىلىسى؛

23. ا. بايتۇرسىن ۇلى مەن ج. ناجىمەدەنوۆ ورامىنداعى ا50 جانە ا51 كوشەلەرى قۇرىلىسى؛

24. ا20 كوشەسى (جوبالىق اتاۋى) اۋدانىندا ورامىشىلىك جولدار مەن ينجەنەرلىك جەلىلەر قۇرىلىسى؛

25. كەرەي- جانىبەك حاندار مەن ورال كوشەلەرى قيىلىسى اۋدانىندا «ق ر جوعارى اۋديتورلىق پالاتاسى عيماراتى» قۇرىلىسى؛

26. الاش تاس جولىندا، 28/3-ۋچاسكەدە ورنالاسقان ت م-14 سالۋ؛

27. ماقاتايەۆ پەن كوسموناۆتوۆ كوشەلەرى اۋدىندا مەملەكەتتىك ساياجاي اۋماعىن اباتتاندىرۋ ءۇشىن كەڭەيتۋ؛

28. ت م-40 كوشەسى اۋدانىندا شاعىن تاراتۋ ستانساسى قۇرىلىسى؛

29. رەسپۋبليكا داڭعىلى بويىنداعى 6-ءۇي اۋدانىن اباتتاندىرۋ؛

30. قارقارالى تاس جولى اۋدانىندا ورنالاسقان استانا قالاسىنىڭ «وليمپيادالىق دايىندىق ورتالىعى» كوپبەيىندى سپورت كەشەنى بازاسىندا ۇلتتىق سپورت ۋنيۆەرسيتەتى قۇرىلىسى؛

31. 48-، 69-، ا106 جانە ا108-كوشەلەرى ورامىندا ءا. مارعۇلان اتىنداعى ارحەولوگيا ينستيتۋتىنىڭ جاڭا كەشەنى قۇرىلىسى؛

32. ماڭگىلىك ەل داڭعىلى مەن سىعاناق كوشەسى قيىلىسى اۋدانىنداعى كوشە قۇرىلىسى؛

33. رەسپۋبليكا داڭعىلى مەن گەتە كوشەسى قيىلىسى اۋدانىندا ورنالاسقان جاپسارلاس تۇرعىن- جايى مەن پاركينگى بار كوپپاتەرلى تۇرعىن ءۇي كەشەنى قۇرىلىسى؛

34. ش. ايتماتوۆ كوشەسى مەن قورعالجىڭ تاس جولى قيىلىسى اۋدانىندا اكىمشىلىك عيمارات قۇرىلىسى (اۋداندىق پوليتسيا ءبولىمى)؛

35. ش. ايتماتوۆ كوشەسى مەن قورعالجىڭ تاس جولى قيىلىسى اۋدانىندا اكىمشىلىك عيمارات قۇرىلىسى (پوليتسيا پولكى).

استانا اكىمى جەڭىس قاسىمبەك Instagram پاراقشاسىندا قۇرىلىس كومپانيالارىنا قويىلاتىن تالاپتار تۋرالى جازعان بولاتىن.

اۆتور

مارلان جيەمباي