ەلوردادا تاجىكستاننان جەتكىزىلگەن ونىمدەردىڭ جارمەڭكەسى وتەدى

استانا. KAZINFORM - استانادا 10 جانە 11 -تامىز كۇندەرى تاجىكستاننىڭ اۋىل شارۋاشىلىعى، حالىق قولونەرى جانە ۇلتتىق تاعامدارى ونىمدەرىنىڭ جارمەڭكەسى وتەدى.

ەلوردا اكىمدىگى رەسمي سايتىنىڭ مالىمەتىنشە، جارمەڭكەدە جاڭادان پىسكەن جەمىس- جيدەك پەن كوكونىس، تابيعي بال، جاڭعاق، كەپتىرىلگەن جەمىس، دامدەۋىش جانە ت. ب. بار. سونداي- اق ۇلتتىق قولونەر بۇيىمدارىن - بىلعارىدان، كەراميكادان، اعاشتان جاسالعان بۇيىمدار، قولدان جاسالعان كىلەمدەر، كادەسىيلار ساتىپ الۋعا بولادى.

ءىس-شارادا ەلوردا تۇرعىندارى مەن قوناقتارى سول سياقتى جاڭا ونىمدەر، كادەسىيلار مەن قولدان جاسالعان بۇيىمدار، ءداستۇرلى تاجىك تاعامدارىن ساتىپ الا الادى.

جارمەڭكەنىڭ نەگىزگى ساحناسىندا تاجىكستان مادەنيەت قايراتكەرلەرىنىڭ قاتىسۋىمەن كونسەرتتىك باعدارلاما وتەدى.

جارمەڭكە «بارىس- ارەنا» سپورت كەشەنىنە ىرگەلەس اۋماقتا 10 -تامىز ساعات 11:00-دەن 19:00-گە دەيىن، 11 -تامىز كۇندەرى ساعات 10:00-دەن 19:00-گە دەيىن جۇمىس ىستەيدى.

اۆتور

ابىلايحان جۇماشيەۆ