ەلوردادا ەسىل جاعالاۋىنداعى «الىپ ساعات» بۇزىلادى
استانا. KAZINFORM -ەلوردادا جۇمىس ىستەمەي تۇرعان «الىپ ساعات» سۋبۇرقاعى بيىل بۇزىلادى. بۇل تۋرالى استانا قالاسىنىڭ اكىمى جەڭىس قاسىمبەك ايتتى.
«ول بۇزىلادى. ونى قايتا قالپىنا كەلتىرۋ وتە قىمباتقا تۇسەدى ءارى ءوزى وتە كۇردەلى قۇرىلىم. سوندىقتان ونى وسى جىلدىڭ ىشىندە بۇزامىز دەپ شەشىم قابىلدادىق»، - دەدى جەڭىس قاسىمبەك ۇكىمەت وتىرىسىنان كەيىنگى بريفينگتە ب ا ق وكىلدەرىنىڭ ساۋالىنا وراي.
سونىمەن قاتار ول سۋبۇرقاقتى بۇزۋ جۇمىستارىنا قانشا قاراجات كەتەتىندىگىنە قاتىستى ەسەپ قولىندا جوق ەكەنىن، جالپى ونى ورناتۋعا بيۋدجەتتەن قانشا اقشا جۇمسالعانىن ايتا المايتىنىن اتاپ ءوتتى.
«دەگەنمەن قالاساڭىزدار مۇنداي اقپاراتتى ۇسىنامىز. ونىڭ ەش قۇپياسى جوق»، - دەدى ەلوردا اكىمى.
ەستەرىڭىزگە سالا كەتسەك، ەلوردانىڭ ەسىل جاعاسىندا ورنالاسقان «الىپ ساعات» سۋبۇرقاعى 2016-جىلى سالىنعان.
2019-جىلدان باستاپ قازىرگى ۋاقىتقا دەيىن سۋبۇرقاق ەنەرگيامەن جابدىقتاۋ كابەلدەرى مەن باسقا دا شىعىن ماتەريالدارىن ۇرلاۋ سەبەبىنەن جۇمىس ىستەمەي تۇر.
اتالعان فاكتى بويىنشا ەسىل اۋدانىنىڭ پوليتسيا باسقارماسى قىلمىستىق ءىس قوزعاعان.
ۇرىلار ءالى تابىلماي جاتىر.