ەلوردادا «سمارتفونسىز مەكتەپ» جوباسى ىسكە قوسىلدى

استانا. KAZINFORM - استانا قالاسىنىڭ ءبىرقاتار مەكتەبىندە جاڭا جوبا قولعا الىندى. وقۋشىلار ساباق بارىسىندا الاڭداماۋى ءۇشىن ۇيالى تەلەفوندارىن ۇستامايدى. بۇل تۋرالى ەلوردانىڭ ءبىلىم باسقارماسىنىڭ باسپا ءسوز قىزمەتى حابارلايدى.

«ءبىلىم ساپاسىن ارتتىرۋ ماقساتىندا استانادا ءبىرقاتار ءبىلىم بەرۋ ۇيىمىندا «سمارتفونسىز مەكتەپ» جوباسى ىسكە اسىپ جاتىر. وقۋشىلار ساباقتىڭ الدىندا ۇيالى تەلەفوندارىن ارنايى ۇياشىقتارعا سالىپ قويادى»، - دەيدى باسقارمادان.

جاڭا جوبا ەلوردانىڭ ءبىرقاتار مەكتەبىندە ەنگىزىلدى. اتاپ ايتقاندا، 1، 4، 7، 8، 17، 18، 25، 28، 29، 32، 34، 43، 46، 48، 52، 58، 70، 73، 76، 77، 87، 93، 103، 103 جانە 108-ءبىلىم ورداسى.

«مۇنداي ءىس-شارا وقۋشىلاردىڭ ويلاۋ قابىلەتى مەن پسيحولوگيالىق جاي-كۇيىنە وڭ اسەر ەتەدى»، - دەپ تولىقتىردى قالالىق ۆەدومستۆودان.

سونداي-اق ءبىلىم باسقارماسىنان حابارلاۋىنشا، اتالعان جوبانى مەكتەپتەرگە ەنگىزۋ مىندەتتەلمەيدى.

ەسكە سالا كەتسەك، بىلتىر قاراشادا وقۋشىلارعا ساباق ۇستىندە تەلەفون قاراۋعا شەكتەۋ ەنگىزىلدى. اتالعان زاڭ جوباسى ءماجىلىستىڭ جالپى وتىرىسىندا قابىلداندى.