ەلوردادا روبوتتىڭ كومەگىمەن كۇردەلى وپەراتسيا جاسالدى

استانا. قازاقپارات - ەلدە بۋىن اۋرۋىنا شالدىققان ناۋقاستارعا وپەراتسيا جاساۋعا روبوت كومەكتەسىپ جاتىر. جىل باسىنان بەرى دارىگەرلەر زاماناۋي تەحنولوگيا كومەگىمەن 30-دان اسا ەندوپروتەزدەۋ وپەراتسياسىن ءساتتى ورىنداعان.

تىڭ ءادىس بۋىندى تولىق نەمەسە جارتىلاي الماستىرۋعا مۇمكىندىك بەرەدى. وسىنداي وپەراتسيانىڭ ءبىرى ەلورداداعى ۇلتتىق عىلىمي ونكولوگيا ورتالىعىندا جاسالدى. «ماكو» دەپ اتالاتىن بۇل روبوت اسقان دالدىكپەن جۇمىس ىستەيدى. بۇگىن كەزەكتى وپەراتسيا تىزە بۋىنىنىڭ ەندوپروتەزى جاسالادى.

جوعارى بىلىكتى تراۆماتولوگ- ورتوپەد دان جادىگەروۆ وپەراتسيا 1 ساعاتقا سوزىلاتىنىن ايتادى. روبوت كومەكشى الدىن الا ناۋقاستىڭ اناتومياسىن زەرتتەپ، بارلىق پروتسەستىڭ جوسپارىن ازىرلەپ قويعان. يمپلانت بۋىنعا وسىنداي يننوۆاتسيالىق ادىسپەن ورناتىلعان سوڭ، ەمدەلۋشىنىڭ اياققا تۇرۋى دا اناعۇرلىم جەڭىل وتەدى ەكەن.

دان جادىگەروۆ، ۇ ع و و ورتوپەديا، وستەوونكولوگيا جانە تامىرلى حيرۋرگيا ورتالىعىنىڭ مەڭگەرۋشىسى:

- بۇل از ينۆازيۆتى ءتاسىل، ناۋقاستار تەزىرەك قالىپقا كەلەدى. ءبىز ادەتتەگىدەي بۋىندى تولىعىمەن اۋىستىرعان جوقپىز، تەك جارتىلاي الماستىردىق. سايكەسىندە جاراقاتتانۋ دا تومەن بولادى. سول كۇنى ناۋقاستى ورنىنان كوتەرەمىز. ارتىق سالماعى بولماسا، جۇرە باستايدى. تولىعىمەن ايىعۋ ءبىر اي ۋاقىتتى الادى، كەيىن جۇمىسقا ورالا بەرۋىنە رۇقسات. ءتىپتى ناۋقاس 1 جىلدان كەيىن تىزەسىنە وپەراتسيا جاسالعانىن ۇمىتىپ كەتەدى. ياعني يمپلانت سەزىلمەيدى.

وسىنداي ۇمىتپەن ورال قالاسىنىڭ تۇرعىنى ءلاززات لەكەروۆا ۇلتتىق عىلىمي ونكولوگيا ورتالىعىنا كەلگەن. قوس تىزەسى سىزداپ جۇرگەنىنە 6 جىل بولعان. «شاراسىزدىقتان، ءتىپتى شەتەلدىك كلينيكالارعا بارۋعا وقتالىپ جۇرگەن ەدىم»، - دەيدى. تاياۋدا عانا بۇنداي وپەراتسيانى ءوز ەلىمىزدە جاساۋعا بولاتىنىن ەستىپ، بىردەن كەڭەس الۋعا كەلگەن. وتاندىق حيرۋرگتاردىڭ كومەگىمەن از عانا ۋاقىتتا وپەراتسيا جاساپ تا ۇلگەردى.

زاۋرەش لەكەروۆا، ورال قالاسىنىڭ تۇرعىنى:

- شىنىمدى ايتسام، وسىلاي اياققا تۇرىپ كەتە بەرەمىن دەپ ويلامادىم. بىردەن ەكى تىزەگە جاساۋعا بولاتىنى قۋانتادى. بۇرىن الدىمەن ءبىرىنشى تىزەگە جاساپ، ءبىر جىل وڭالۋدان كەيىن عانا ەكىنشىسىنە جاسايتىن. وپەراتسيانىڭ ءساتتى شىعۋى - قايتا قالپىنا كەلۋ ۋاقىتىن دۇرىس وتكىزۋگە بايلانىستى. سوندىقتان، ەگەر مەن تۇركيادا جاساسام، 10-15 كۇندە ۇيىمە قايتاراتىن ەدى. ودان ءارى قالاي بولادى دەپ تە الاڭدادىم.

ءازىر ەلدە بۇنداي وپەراتسيا اقىلى. ارينە، شەتەل كلينيكالارىنا قاراعاندا باعاسى 3 جارىم ەسە ارزان. يننوۆاتسيالىق تەحنولوگيا ارقىلى جاسالاتىن وپەراتسيا جەكە حيرۋرگيالىق جوسپارلاۋ ارقىلى جۇزەگە اسىرىلادى. الدىمەن سۇيەكتىڭ زاقىمدانعان بولىگى الىنىپ، كەيىن يمپلانت ورناتىلادى.

دان جادىگەروۆ، ۇعوو ورتوپەديا، وستەوونكولوگيا جانە تامىرلى حيرۋرگيا ورتالىعىنىڭ مەڭگەرۋشىسى:

- تراۆماتولوگيا جانە ورتوپەديا ۇلتتىق عىلىمي ورتالىعى وپەراتسيانى تەگىن جاساۋ ماسەلەسىن قاراستىرۋدا. وسى تەحنولوگيا قازىر دەنساۋلىق ساقتاۋدى دامىتۋ رەسپۋبليكالىق ورتالىعىنىڭ قاراۋىندا جاتىر. بولاشاقتا پورتال ارقىلى جاساۋ جوسپاردا بار. ءبارى ۋاقىتتىڭ ەنشىسىندە.

ماكو - قايتا جاڭعىرتۋدان وتكەن سوڭعى ۇلگىدەگى روبوت. بۇرىن ءبىر عانا وپەراتسيا ءتۇرىن ورىندايتىن. بۇگىندە ادام يىعى، شىنتاعى، تىزەسى، جامباسى سەكىلدى دەنە بولىكتەرىنە وپەراتسيا جاساي الادى.

24.kz