ەلوردادا قۇرىلىسى ۇزاققا سوزىلعان ساۋدا ورتالىعى ساتىلىمعا قويىلدى
استانا. KAZINFORM - ەلوردادا رەسپۋبليكا داڭعىلى مەن يمانوۆ كوشەسىنىڭ قيىلىسىندا ساۋدا جانە ويىن-ساۋىق ورتالىعىنىڭ قۇرىلىسى بىرنەشە جىلدان بەرى اياقتالماي كەلەدى.
- «سيتي پالاس» كوپ فۋنكسيونالدى ساۋدا جانە ويىن-ساۋىق ورتالىعىنىڭ اياقتالماعان قۇرىلىس نىسانى ساتىلادى. قۇرىلىس-مونتاج جۇمىستارى ءجۇرىپ جاتقان جوق، - دەلىنگەن حابارلاما جاريالاندى krisha.kz سايتىندا.
وسىلايشا ساۋدا جانە ويىن- ساۋىق ورتالىعى 13500000000 تەڭگەگە باعالانىپ وتىر. دەگەنمەن جىلجىمايتىن مۇلىك نارىعىندا قولدانىستاعى باعاعا بايلانىستى قۇنى وزگەرۋى مۇمكىن ەكەندىگى ايتىلعان.
سونداي-اق، حابارلاندىرۋدا نىسان قۇرىلىسىنىڭ قولدانىسقا قانشالىقتى دايىن ەكەندىگى پايىزبەن كورسەتىلگەن. ونىڭ ىشىندە ىرگەتاسى - 0، قابىرعالارى - 0، شاتىرى - % 20-30، ەدەنى -0، ىشكى بولىكتەرى - �، سىرتقى ارلەۋى - �، ىشكى ينجەنەرلىك جەلىلەرى - ، اباتتاندىرۋ - @- عا دايىن.
ەسكە سالا كەتسەك، 2023 - جىلى قىركۇيەكتە ەلوردا اكىمدىگىنىڭ باسپا ءسوز قىزمەتى بانكتىك ينۆەستيتسيالار بويىنشا اۋىرتپالىقتارعا بايلانىستى (Jusan Bank) اتالعان ساۋدا، ويىن- ساۋىق ورتالىعى قۇرىلىسىنىڭ توقتاتىلعانىن حابارلاعان ەدى.
اۆتور
داۋلەت ىزتىلەۋ