استانا. KAZINFORM - بۇگىن ەلوردادا Chery Tiggo كولىگى كوشە جارىق شامى باعانىنا سوعىلىپ، جۇرگىزۋشى مەرت بولدى. بۇل اقپاراتتى استانا قالالىق پوليتسيا دەپارتامەنتى راستادى.
- Chery Tiggo اۆتوموبيلىنىڭ جۇرگىزۋشىسى كەرەي- جانىبەك حاندار كوشەسىمەن كەلە جاتىپ، قابانباي باتىر داڭعىلىمەن قيىلىستا رولگە يە بولا الماي كوشە جارىق شامى باعانىنا سوعىلدى. سونىڭ سالدارىنان اۆتوموبيل اۋدارىلىپ قالدى، - دەپ اتاپ ءوتتى دەپارتامەنتتەن.
ۇسىنىلعان مالىمەتكە قاراعاندا، كولىك جۇرگىزۋشىسى العان جاراقاتىنان وقيعا ورنىندا مەرت بولعان.
- جول-كولىك وقيعاسى فاكتىسى بويىنشا قىلمىستىق ءىس قوزعالىپ، تەكسەرۋ جۇرگىزىلىپ جاتىر، - دەدى ۆەدومستۆودان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан