ەلوردادا بيىل اقىلى تۇراق اقىسىن تولەمەگەن جۇرگىزۋشىلەرگە 2 ميلليارد تەڭگە ايىپپۇل سالىنعان
استانا. KAZINFORM - ەلوردادا بيىل اقىلى تۇراقتار اقىسىن تولەمەگەن جۇرگىزۋشىلەرگە 2 ميلليارد تەڭگەدەن استام سوماعا ايىپپۇل سالىندى. بۇل تۋرالى قالالىق كولىك جانە جول-كولىك ينفراقۇرىلىمىن دامىتۋ باسقارماسىنىڭ باسپا ءسوز قىزمەتى حابارلادى.
«استانا قالاسىنىڭ اقىلى تۇراق كەڭىستىگىن قۇرۋعا، پايدالانۋعا جانە باسقارۋعا» مەملەكەتتىك- جەكەشەلىك ارىپتەستىك شارتىنا سايكەس «استانا تۇراق كەڭىستىگى» ج ش س جاۋاپتى. اتالعان كومپانيامەن جاسالعان شارت اياسىندا 10000 اقىلى تۇراق ورنىن ىسكە قوسۋ كوزدەلەدى. بۇگىنگى تاڭدا 7200 دەن استام اقىلى تۇراق ورنى قولدانىسقا ەنگىزىلدى. 2025 -جىلى اقىلى تۇراقتاردى كوبەيتۋ قاراستىرىلۋدا. بيىل جىل باسىنان بەرى اقىلى تۇراق اقىسىن تولەمەگەنى ءۇشىن ادامدارعا 2 ميلليارد تەڭگەدەن استام سوماعا ايىپپۇل سالىندى. 2023 -جىلى ءدال وسىنداي جاعدايمەن 1,3 ميلليارد تەڭگە سوماسىندا ايىپپۇل سالىنعان. بارلىق ايىپپۇلدار تەك قالانىڭ جەرگىلىكتى بيۋدجەتىنە تۇسەدى»، - دەلىنگەن Kazinform ساۋالىنا جالداعان جاۋاپتا.
سونداي-اق باسقارما ماماندارى اقىلى تۇراققا تولەنگەن اقشانىڭ 25 پايىزى قالا بيۋدجەتىنە ءتۇسىپ جاتقانىن اتاپ وتكەن. مۇنداي پرينتسيپ 2038 -جىلعا دەيىن جۇمىس ىستەيدى.
«استانا تۇراق كەڭىستىگى» اقىلى تۇراقتاردان ءبىر جىلدا 800 ميلليون تەڭگە تابىس تاپقان.
ەسكە سالا كەتەيىك، بۇعان دەيىن ءماجىلىس دەپۋتاتى اسحات ايماعامبەتوۆ استاناداعى اقىلى تۇراقتاردىڭ ماسەلەسىن رەتتەۋ جولىن ايتقانىن جازعان بولاتىنبىز.
سونداي-اق ءماجىلىس دەپۋتاتى استاناداعى اقىلى تۇراقتاردا 30 مينۋت تەگىن تۇرۋ تەتىگىن ەنگىزۋدى ۇسىنعان بولاتىن.