استانا. KAZINFORM - بۇگىن ەلوردادا وزبەك اقىنى الىشەر ناۋاي ەسكەرتكىشى اشىلادى. بۇل تۋرالى اقوردادا وزبەكستان پرەزيدەنتى شاۆكات ميرزيەيەۆپەن كەلىسسوزدەردەن كەيىنگى ب ا ق وكىلدەرىنە ارنالعان بريفينگتە مەملەكەت باسشىسى قاسىم-جومارت توقايەۆ ايتتى.
«قازاق- وزبەك دوستىعىنىڭ التىن كوپىرى - مادەني- گۋمانيتارلىق ىنتىماقتاستىق. ونى جان-جاقتى دامىتۋ وتە ماڭىزدى. ەكى ەلدىڭ سەرىكتەستىگى ەجەلدەن جالعاسىپ كەلە جاتقان باۋىرلاستىق قاتىناستان باستاۋ الادى. بۇگىن استانادا وزبەك حالقىنىڭ ۇلى پەرزەنتى ويشىل، اقىن الىشەر ناۋايدىڭ ەسكەرتكىشى اشىلادى. بۇل قازاق جۇرتىنىڭ وزبەك حالقىنا دەگەن ەرەكشە ىقىلاسىنىڭ بەلگىسى. الىشەر ناۋايدى كۇلى تۇركى جۇرتى قادىر تۇتادى. ونىڭ مۇراسىن بارشا ادامزاتتىڭ رۋحاني قازىناسى دەپ سانايدى»، - دەدى قاسىم-جومارت توقايەۆ.
ايتا كەتەيىك، وسىعان دەيىن ەكى ەل پرەزيدەنتتەرى سياننان تاشكەنتكە كەلگەن كونتەينەرلىك پويىزعا قاتىستى سالتاناتتى شارانى تاماشالادى.
اۆتور
مارلان جيەمباي
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан