ەلوردادا 12-13-قازاندا وتەتىن جارمەڭكەگە قاي وڭىرلەر ونىمدەرىن ۇسىنادى

استانا. KAZINFORM - ەلىمىزدە وڭىرلىك تاۋار وندىرۋشىلەردىڭ قاتىسۋىمەن اۋىل شارۋاشىلىعى جارمەڭكەسى 12-13-قازاندا وتەدى، دەپ حابارلايدى ەلوردا اكىمدىگى.

ءوز ونىمدەرىن باتىس قازاقستان، پاۆلودار، الماتى جانە جەتىسۋ وڭىلەرىنەن كەلگەن اگرارلار ۇسىنادى.

ولار ەت، ءسۇت ونىمدەرى، جەمىستەر مەن كوكونىستەر، بال جانە باسقا دا تاۋارلار اكەلەدى.

ەستەرىڭىزگە سالا كەتەيىك، بيىل جارمەڭكە قارقارالى تاس جولىنداعى «قازانات» يپپودرومىنا قاراما-قارسى ورىندا وتەدى. ەلوردا تۇرعىندارى مەن قوناقتارىنا ىڭعايلى بولۋ ءۇشىن جارمەڭكەلەردى وتكىزۋ كەزەڭىندە № 18، 37، 303 جانە 323 اۆتوبۋس مارشرۋتتارى قاتىنايدى. جارمەڭكەلەر 27-قازانعا دەيىن وتەدى.

وسىعان دەيىن ەلوردا اكىمدىگى كاسىپكەرلەرمەن 25 مىڭ توننا ونىممەن قامتۋعا كەلىسكەنىن جازدىق.