استانا. KAZINFORM - مۇراعاتتىق قۇجاتتار زەردەلەنىپ، اتالعان تۇلعالاردىڭ بۇل ساناتقا قاتىستىلىعى انىقتالمادى. بۇل تۋرالى استانا قالاسىنىڭ پروكۋراتۋراسى باسپا ءسوز قىزمەتى حابارلادى.
تاۋەلدىلىك تولەمدەرىنىڭ جولىن كەسۋ ماقساتىندا سوتتىڭ ساياسي قۋعىن-سۇرگىن قۇرباندارى دەپ تانۋ تاجىريبەسى توقتاتىلدى.
اتاپ ايتقاندا، بيىل 5 ازامات سوتتا وزدەرىن ساياسي قۋعىن-سۇرگىن قۇرباندارى رەتىندە مويىنداماق بولعان.
- قالالىق سوتپەن بىرلەسىپ ىستەر، ونىڭ ىشىندە مۇراعاتتىق قۇجاتتار زەردەلەنىپ، اتالعان تۇلعالاردىڭ بۇل ساناتقا قاتىستىلىعى انىقتالمادى، - دەلىنگەن استانا قالاسىنىڭ پروكۋراتۋراسى حابارلاماسىندا.
تيىسىنشە، سوت ەلوردا پروكۋراتۋراسىنىڭ ءوتىنىشى بويىنشا ولاردى ساياسي قۋعىن-سۇرگىن قۇربانى دەپ تانۋدان باس تارتتى.
ايتا كەتەلىك ش ق و تۇرعىنى ساياسي قۋعىن-سۇرگىن قۇربانىنىڭ بالاسى رەتىندە تانىلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан