ەلورداعا دەگەن تۋريستىك قىزىعۋشىلىقتىڭ ارتۋى ەكونوميكالىق كورسەتكىشتەردەن دە بايقالادى.
- ەگەر 2022-جىلى كورسەتىلگەن تۋريستىك قىزمەتتەردىڭ كولەمى 35 ميلليارد تەڭگەنى قۇراسا، 2023-جىلى بۇل كورسەتكىش 45 ميلليارد تەڭگەگە، 2024-جىلى 65 ميلليارد تەڭگەگە جەتتى. ال 2025-جىلدىڭ قورىتىندىسى بويىنشا 74 ميلليارد تەڭگەنى قۇرادى. بۇل الدىڭعى جىلمەن سالىستىرعاندا 14 پايىزعا جوعارى. وسىلايشا، تۋريزمنىڭ قالا ەكونوميكاسىنا قوساتىن ۇلەسى ارتىپ كەلە جاتقانىن كورىپ وتىرمىز، - دەدى ول AIMAQ پودكاستىندا.
ساراپشىنىڭ تۇسىندىرۋىنشە، تۋريستەردىڭ جۇمسايتىن قاراجاتى قالانىڭ بىرنەشە ەكونوميكالىق سالاسىنا تيەسىلى. ولاردىڭ قاتارىندا قوناق ءۇي بيزنەسى، قوعامدىق تاماقتانۋ ورىندارى، كولىك، ساۋدا، مادەني نىساندار مەن ويىن-ساۋىق يندۋسترياسى بار.
سونىمەن قاتار قالا الدىندا تۋريستەر سانىن كوبەيتۋمەن قاتار، ولاردىڭ ەلوردادا بولۋ ۋاقىتىن ۇزارتۋ مىندەتى تۇر. وسى ماقساتتا ساۋىقتىرۋ، قالا ىشىندەگى جانە قالا سىرتىنداعى دەمالىس باعدارلامالارىن قوسا العاندا، جاڭا تۋريستىك ۇسىنىستار ازىرلەنىپ جاتىر.
- قازىر ىسكەرلىك ساپارمەن كەلەتىن تۋريستەرگە ارنالعان جاڭا Wellness باعدارلامالارىن، قالا ىشىندەگى جانە قالا سىرتىنداعى دەمالىس باعىتتارىن ۇسىنىپ جاتىرمىز. سونىڭ ناتيجەسىندە ىسكەرلىك ماقساتتا كەلگەن قوناقتار بۇرىنعىداي ءۇش كۇن ەمەس، بەس كۇنگە دەيىن ايالداي باستادى.
ولار نەگىزگى جۇمىس باعدارلاماسىنا قالانىڭ كورىكتى جەرلەرىن ارالاۋدى، ساۋدا ورتالىقتارىنا بارۋدى جانە قالا سىرتىنداعى ساياحاتتاردى دا قوسىپ ءجۇر، - دەدى ولگا ابەلدينوۆا.
ايتا كەتەيىك، ىشكى تۋريزم 84,4 پايىزعا ءوستى.