- ورتالىقتىڭ نەگىزگى باعىتتارىندا قالاداعى تۇراقتاردى باسقارۋ، ەۆاكۋاسيالانعان كولىكتەردى ساقتاۋ ورىندارىن قاداعالاۋ، جول جۇرۋدەگى قاۋىپسىزدىك ەرەجەسىنە قاتىستى جۇمىستى قامتىپ وتىر. سيفرلىق مونيتورينگ بويىنشا قازىر قالادا 12 اپپاراتتىق كەشەن جۇمىس ىستەپ ءجۇر. قالاداعى جولداردىڭ 30 پايىزىن ءوزىمىزدىڭ باقىلاۋدا ۇستاپ وتىرمىز. نەگىزگى ماقسات - بۇل كورسەتكىشتى 70 پايىزعا جەتكىزۋ. ول ءۇشىن تاعى 28 قۇرىلعىنى ساتىپ الۋعا تەحنيكالىق-ەكونوميكالىق نەگىزدەمەنى ازىرلەدىك، - دەدى داۋرەن ءسابيتوۆ استانا قالاسى ءماسليحاتىنىڭ كولىك ماسەلەلەرى جونىندەگى تۇراقتى كوميسسياسىنىڭ وتىرىسىندا.
سونىمەن قاتار ول كولىكتەردى ەۆاكۋاسيالاۋ مەن كوممۋنالدىق تۇراقتارعا توقتالدى.
- بۇگىندە ءبىزدىڭ قولدانىستا ءۇش ەۆاكۋاتور عانا بار. بۇل رەتتە سول جاعالاۋداعى MEGA Silk Way Astana اينالىسىندا اتالعان ءۇش كولىك توقتاۋسىز جۇمىس ىستەپ جاتىر. جالپى، ايىنا جول پوليتسياسىمەن بىرگە ەۆاكۋاسيا بويىنشا 700-دەن استام ءوتىنىم كەلىپ تۇسەدى. ايىنا ورتا ەسەپپەن 530 كولىكتى كوممۋنالدىق تۇراققا جەتكىزىپ جاتىرمىز. ونىڭ ىشىندە ەرەجە بۇزۋدىڭ 170 جاعدايى سول ورنىندا شەشىلەدى، ياعني كولىكتى ەۆاكۋاسيالاماي تۇرىپ اۆتوموبيل يەسىنە SMS جولدانادى. كولىك يەسى ايىپپۇلىن تولەپ، الىپ كەتەدى، - دەدى ورتالىق باسشىسى.
ونىڭ سوزىنە قاراعاندا، كوممۋنالدىق تۇراقتار قازىر ءوزىن-ءوزى اقتامايدى.
- سونىمەن قاتار، ەۆاكۋاسياعا 13 مىڭ تەڭگە ماسليحاتپەن بەلگىلەنگەن تاريف قويىلعان. ءساۋىر ايىنان بەرگى جۇمىسىمىزدى ءۇش ەۆاكۋاتور كولىككە ءبولىپ، كەتكەن شىعىندى ەسەپتەدىك. بۇگىندە 7-8 ا ە ك- كە دەيىن بەلگىلەۋ كەرەك دەگەندى ۇسىنىپ، تاريفتى قايتادان تالقىلاۋدى ءجون سانايمىز. ماسەلەن، الماتىدا 30 ەۆاكۋاتور جۇمىس ىستەيدى. وسىعان بايلانىستى ەلورداعا تاعى 10 ەۆاكۋاتور الۋعا ءوتىنىم بەردىك. مۇنىمەن قوسا، كوممۋنالدىق تۇراقتاردىڭ جاعدايىن جاقسارتۋ جۇمىسىن باستادىق، - دەدى داۋرەن ءسابيتوۆ.
ەسكە سالساق، استانادا زاڭسىز اۆتوتۇراققا قارسى جاڭا باقىلاۋ جۇيەسى ىسكە قوسىلدى.