جول-كولىك وقيعالارىنىڭ سانىن ازايتۋ جانە جاياۋ جۇرگىنشىلەردىڭ قاۋىپسىزدىگىن ارتتىرۋ ماقساتىندا تۇراقتى تۇردە رەيدتەر مەن جەرگىلىكتى پروفيلاكتيكالىق ءىس-شارالار ۇيىمداستىرىلادى. ءىس-شارالار بارىسىندا قالاداعى ادام كوپ جۇرەتىن جاياۋ جۇرگىنشىلەر وتكەلدەرىندە رەيدتەر وتكىزىلەدى. نەگىزگى نازار ءتۇسىندىرۋ جۇمىستارىنا، قۇقىق بۇزۋشىلىقتاردىڭ الدىن الۋعا جانە جولداعى قاۋىپسىز مىنەز-قۇلىق مادەنيەتىن قالىپتاستىرۋعا اۋدارىلادى.
جىل باسىنان بەرى جاياۋ جۇرگىنشىلەر جولدىڭ ءجۇرۋ بولىگىن بەلگىلەنبەگەن جەردەن كەسىپ وتكەنى ءۇشىن 20 مىڭنان استام رەت اكىمشىلىك جاۋاپكەرشىلىككە تارتىلدى. بارلىق قۇقىق بۇزۋشىمەن پروفيلاكتيكالىق اڭگىمەلەر جۇرگىزىلىپ، جول قوزعالىسى ەرەجەلەرىن ساقتاۋدىڭ ماڭىزى ءتۇسىندىرىلدى.
ەلورداداعى 19 جاياۋ جۇرگىنشىلەر وتكەلىندە جاياۋ جۇرگىنشىلەرگە جول بەرمەۋ فاكتىلەرىن اۆتوماتتى تۇردە تىركەيتىن كامەرالار جۇيەسى ىسكە قوسىلعان. قۇقىق بۇزۋشىلىق انىقتالعان جاعدايدا اقپارات اۆتوماتتى تۇردە تىركەلىپ، كولىك جۇرگىزۋشىسى زاڭنامادا بەلگىلەنگەن تارتىپپەن اكىمشىلىك جاۋاپقا تارتىلادى.
پوليتسيا ازاماتتارعا جولدى تەك بەلگىلەنگەن ورىنداردان، باعدارشامنىڭ رۇقسات بەرەتىن سيگنالىنا ءوتىپ، جول قوزعالىسى ەرەجەلەرىن قاتاڭ ساقتاۋدى ەسكەرتەدى. سەبەبى جولداعى ءتارتىپ پەن ساقتىق - بارلىق قوزعالىس قاتىسۋشىلارىنىڭ ءومىرى مەن قاۋىپسىزدىگىنىڭ باستى كەپىلى.