ەلوردادا دەمالىس كۇندەرى اۋىل شارۋاشىلىعى جارمەڭكەسى وتەدى

جارمەڭكەدە قازاقستاننىڭ ءتۇرلى وڭىرلەرىنەن كەلگەن جەرگىلىكتى فەرمەرلەر مەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىس پەن جەمىس-جيدەك، ەت، ۇن جانە ءسۇت ونىمدەرىن، كونديتەرلىك ونىمدەر، تابيعي شىرىندار، توساپتار مەن دجەمدەر جانە باسقا دا تاۋارلاردى ساتىپ الا الادى.

ءىس-شارا 30-31-مامىر كۇندەرى ساعات 10:00 دەن 19:00 گە دەيىن Keryen Joly ساۋدا ورتالىعىندا وتەدى.

كەلۋشىلەردىڭ ىڭعايلىلىعى ءۇشىن جارمەڭكە وتەتىن ورىنعا جاقىن ماڭنان 7، 11، 39، 41، 45، 53، 59، 81، 307، 317-باعىتتاعى اۆتوبۋستار قاتىنايدى.

بۇعان دەيىن تۇركىستان وبلىسىندا قاربىز القابىنان العاشقى ءونىم جينالا باستاعانىن جازدىق.