ەلوردا تۇرعىنى بەينەباقىلاۋدى سىندىرعانى ءۇشىن 10 تاۋلىككە قامالدى

استانا. KAZINFORM - استاناداعى تۇرعىن ءۇي كەشەندەرىنىڭ بىرىندە بوتەننىڭ مۇلكىن قاساقانا ءبۇلدىرۋ دەرەگى انىقتالدى. قۇقىققا قايشى ارەكەتتىڭ سالدارىنان دوموفون جۇيەسى مەن بەينەباقىلاۋ كامەرالارى ىستەن شىققان، دەپ حابارلايدى turkystan.kz.

Фото: Polisia.kz

تەكسەرۋ بارىسىندا پوليتسيا قىزمەتكەرلەرى قۇقىق بۇزۋشىنىڭ جەكە باسىن انىقتادى. ول 46 جاستاعى ەرلان بايجاراسوۆ بولىپ شىقتى. ەر ادام م ي ك كەڭسەسىنىڭ كىرەبەرىسىنە قاراما-قارسى ورنالاسقان بەينەباقىلاۋ كامەراسىن قاساقانا ىستەن شىعارىپ، مۇلىككە زالال كەلتىرگەن.

بوتەننىڭ مۇلكىن قاساقانا بۇلدىرگەنى ءۇشىن ازامات اكىمشىلىك جاۋاپقا تارتىلدى. سوت شەشىمىمەن وعان 10 تاۋلىك مەرزىمگە اكىمشىلىك قاماۋعا الۋ جازاسى تاعايىندالدى.

ايتا كەتەيىك، جىل باسىنان بەرى بوتەننىڭ مۇلكىن ءبۇلدىرۋ جانە وزگە دە بۇزاقىلىق ارەكەتتەرى ءۇشىن 225 قۇقىق بۇزۋشى جاۋاپقا تارتىلعان.

پوليتسيا بوتەننىڭ مۇلكىن قاساقانا ءبۇلدىرۋ زاڭدا بەلگىلەنگەن جاۋاپكەرشىلىككە اكەپ سوعاتىنىن ەسكەرتەدى. مۇنداي ارەكەتتەر ماتەريالدىق شىعىن كەلتىرىپ قانا قويماي، وزگە ازاماتتاردىڭ قۇقىقتارى مەن مۇددەلەرىنە دە نۇقسان كەلتىرەدى.