استانا. KAZINFORM - لوندونداعى ايگىلى OVO Arena Wembley ساحناسىندا العاش رەت قازاقستان رەسپۋبليكاسىنىڭ ءانۇرانى ورىندالدى. ديماش قۇدايبەرگەننىڭ «Stranger» جەكە تۋرى اياسىنداعى كونسەرتى ءوتتى.
كونسەرتتەن كەيىن فاناتتار ءانشىنى قورشاپ الىپ، جىبەرگىسى كەلمەي ءانشىنىڭ كولىگىن قورشاپ الدى.
ۆيدەو ءانشىنىڭ جەكە الەۋمەتتىك جەلىدەگى پاراقشاسىندا جاريالاندى. جانكۇيەرلەرىنىڭ ىقىلاسىنا بولەنگەن ءانشى، كولىكتەن شىعىپ، ونىڭ توبەسىنە شىعىپ، سول جەردەن اۆتوگرافتار بەرىپ، ولارمەن بىرگە فوتوعا ءتۇستى.
وسى ساتتە جينالعاندار حورمەن ونىڭ «ۇمىتىلماس كۇن» ءانىن ورىندادى.
- بۇل ۆيدەو كونسەرتتەن كەيىن ءبىز توقتاعان قوناق ءۇي الدىندا تۇسىرىلگەن. بارلىعىنا العىس ايتۋ ءۇشىن كولىك توبەسىنە شىعۋعا تۋرا كەلدى، - دەلىنگەن ۆيدەوعا جازىلعان ماتىندە.
ايتا كەتەلىك ديماش قۇدايبەرگەن بريتانيانىڭ «The Upcoming» جۋرنالىنا سۇحبات بەردى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан